నందమూరి హరికృష్ణ తనయుడిగా సినీ పరిశ్రమలోకి బాలనటుడిగా అడుగుపెట్టారు జూ. ఎన్. టి. ఆర్. ప్రముఖ నటుడు విశ్వవిఖ్యాత నటసార్వభౌమ నందమూరి తారక రామారావు దర్శక, నిర్మాతగా మారి నటించిన బ్రహ్మర్షి విశ్వామిత్ర చిత్రంలో అర్జునుడి పాత్రలో నటించారు జూ. ఎన్. టి. ఆర్. ఆ తరువాత ప్రముఖ దర్శకులు గుణశేఖర్ దర్శకత్వంలో బాలలతో తీసిన రామాయణం చిత్రంలో రాముడి పాత్రలో నటించి ప్రేక్షకుల్ని ఆకట్టుకున్నారు జూ. ఎన్. టి. ఆర్.
కధానాయకుడిగా తోలిపరిచయం
కధానాయకుడిగా 2001 సంవత్సరంలో నిన్ను చూడాలని చిత్రంతో పరిచయం అయ్యారు జూ. ఎన్. టి. ఆర్. ఈ చిత్రాన్ని ఉష కిరణ్ మూవీస్ బ్యానర్ మీద రామోజీరావు నిర్మించారు మరియు ఈ చిత్రానికి వి. ఆర్. ప్రతాప్ దర్శకత్వం వహించారు. రవీనా రాజపుట్ కథానాయకిగా నటించిన ఈ చిత్రం బాక్సాఫీస్ వద్ద ప్రేక్షకులను నిరాశపరిచింది.
తొలివిజయం
మొదటి సినిమా పరాజయంతో రెండవ చిత్రం స్టూడెంట్ No. 1 అనే చిత్రంతో ప్రేక్షకుల ముందుకు వచ్చారు జూ. ఎన్. టి. ఆర్. ఈ చిత్రానికి ప్రముఖ దర్శకుడు ఎస్. ఎస్. రాజమౌళి దర్శకత్వం వహించారు మరియు “దర్శకేంద్రుడు” కే. రాఘవేంద్రరావు దర్శకత్వ పర్యవేక్షణ చేయడం విశేషం మరియు ఈ చిత్రానికి సహా నిర్మాతగా, స్క్రీన్ ప్లే రచయితగా కూడా వ్యవహరించారు రాఘవేంద్రరావు.
స్టూడెంట్ No. 1 చిత్రంలో కథానాయికగా గజాల నటించగా ఎం. ఎం. కీరవాణి సంగీతం అందించారు. ఈ చిత్రంలో ప్రముఖ నటులు రాజీవ్ కనకాల ముఖ్యమైన పాత్రలో నటించడం జరిగింది. స్టూడెంట్ No. 1 చిత్రం భారీ విజయం సాధించడంతో పాటు పాటలు కూడా జనాదరణ పొందడం విశేషం.
రుద్రరాజు సురేష్ వర్మ దర్శకత్వంలో జూ. ఎన్. టి. ఆర్, సోనాలి జోషి కలిసి నటించిన సుబ్బు చిత్రం ప్రేక్షకులను నిరాశపరిచింది. ఈ చిత్రానికి మణిశర్మ సంగీతం అందించారు. వి. వి. వినాయక్ దర్శకత్వంలో జూ. ఎన్. టి. ఆర్, కీర్తి చావ్లా కలిసి నటించిన ఆది చిత్రం భారీ విజయం సాధించింది. ఫ్యాక్షన్ నేపథ్యంలో వచ్చిన ఆది చిత్రంలో రాజన్ పి. దేవ్ ప్రతినాయకుడి పాత్రలో నటించారు.
స్టార్డం, భారీ విజయాలు
ఆది చిత్రంలో జూ. ఎన్. టి. ఆర్ మరియు ప్రతినాయకుడు రాజన్ పి దేవ్ మధ్య వచ్చే సన్నివేశాలు ప్రేక్షకులను ఆకట్టుకుంటాయి. ముఖ్యంగా వారిద్దరూ కలిసిన నటించిన ఒక సన్నివేశంలో పోటాపోటీగా నటించడమే కాకుండా వారిద్దరి మధ్య వచ్చే సంభాషణలు కూడా అభిమానులని చప్పట్లు కొడుతూ ఈలలు వేసేలా చేసింది.
“అమ్మ తోడు అడ్డంగా నరికేస్తా” అంటూ జూ. ఎన్. టి. ఆర్ చెప్పిన డైలాగ్ అప్పట్లో ఒక సంచలనం, ఇప్పటికి ఆ డైలాగ్ అభిమానులు గుర్తుచేసుకోవడం విశేషం. ఆది చిత్రం తరువాత అభిమానులకి జూ. ఎన్. టి. ఆర్ నటన మీద అంచనాలు పెరిగిపోయాయి. ఈ చిత్రానికి మణిశర్మ అందించిన సంగీతం ప్రేక్షకులను అలరించింది. ఈ చిత్రంలో రఘుబాబు కీలక పాత్రలో నటించి మెప్పించారు. ఈ చిత్రం వి. వి. వినాయక్ దర్శకత్వం వహించిన మొదటి చిత్రం అవ్వడం విశేషం మరియు ఈ చిత్రానికి కొన్ని నంది పురస్కారాలు లభించడం విశేషం.
బి. గోపాల్ దర్శకత్వంలో జూ. ఎన్. టి. ఆర్, ఆర్తి అగర్వాల్, గజాల కలిసి నటించిన అల్లరి రాముడు చిత్రం పరవాలేదనిపించింది. ఈ చిత్రంలో చాలాకాలం తరువాత ప్రముఖ నటి నగ్మా ప్రత్యేక పాత్రలో నటించడం విశేషం. కె. విశ్వనాధ్ తాతయ్య పాత్రలో నటించిన ఈ చిత్రానికి ఆర్. పి. పట్నాయక్ సంగీతం అందించారు. అల్లరి రాముడు చిత్రాన్ని బాంగ్లాదేశ్ భాషలో నిర్మించడం విశేషం.
డి. కె. సురేష్ దర్శకత్వంలో జూ. ఎన్. టి. ఆర్, సదా కలిసి నటించిన నాగ చిత్రం నిరాశపరిచింది. ఈ చిత్రంలో రఘువరన్, తనికెళ్ళ భరణి మరియు ప్రిథ్వీరాజ్ కీలక పాత్రలో నటించగా దేవా, విద్యాసాగర్ సంగీతం అందించారు.
2003 సంవత్సరంలో ఎస్. ఎస్. రాజమౌళి దర్శకత్వంలో జూ. ఎన్. టి. ఆర్, భూమిక, అంకిత కలిసి నటించిన సింహాద్రి చిత్రం భారీ విజయం సాధించడమే కాకుండా భారీ వసూళ్లను సాధించి రికార్డు సృష్టించింది. అంతేకాకుండా ఎస్. ఎస్. రాజమౌళి, జూ. ఎన్. టి. ఆర్ కలయికలో వచ్చిన రెండవ చిత్రం సింహాద్రి. అప్పటి వరకు తెలుగు సినీ పరిశ్రమలో ఉన్న రికార్డులు సింహాద్రి చిత్రం తిరగరాయడం విశేషం.
న్యూ టాలీవుడ్ రికార్డు అంటూ అభిమానులు సంబరాలు చేసుకున్నారు. ఈ చిత్రం లో జూ. ఎన్. టి. ఆర్ నటన ఒక అద్భుతమని చెప్పవచ్చు అంతేకాకుండా ఈ చిత్రం తరువాత జూ. ఎన్. టి. ఆర్ ను “యంగ్ టైగర్” ఎన్. టి. ఆర్ అని బిరుదు అభిమానులు ఇవ్వడం జరిగింది. సింహాద్రి చిత్రంలో జూ. ఎన్. టి. ఆర్ నటన, తాను పలికే సంభాషణలు, నృత్యాలు ప్రేక్షకులనుని అలరించాయి.
సింహాద్రి చిత్రానికి ఎం. ఎం. కీరవాణి సంగీతం అందించగా వి. విజయేంద్ర ప్రసాద్ కధ అందించారు. ఈ చిత్రం తమిళ్, కన్నడ భాషల్లో రీమేక్ చేయడం జరిగింది.
వరుస పరాజయాలు
సింహాద్రి లాంటి భారీ విజయం తరువాత జూ. ఎన్. టి. ఆర్ చేసిన చిత్రం ఆంధ్రావాలా. ప్రముఖ దర్శకుడు పూరి జగన్నాథ్ దర్శకత్వంలో జూ. ఎన్. టి. ఆర్, రక్షిత, నాజర్, రాహుల్ దేవ్ కలిసి నటించిన ఆంధ్రావాలా చిత్రం భారీ అంచనాలతో విడుదలై ప్రేక్షకులను నిరాశపరిచింది. 2004 సంవత్సరంలో విడుదలైన ఈ చిత్రంలో జూ. ఎన్. టి. ఆర్ ద్విపాత్రాభినయం చేయగా సంఘవి ఒక పాత్రలో నటించారు మరియు ఈ చిత్రానికి చక్రి సంగీతం అందించారు. ముంబై మాఫియా నేపధ్యం మీద ఈ చిత్రం రూపొందించడం జరిగింది.
వి. వి. వినాయక్ దర్శకత్వంలో జూ. ఎన్. టి. ఆర్, భూమిక చావ్లా, జెనీలియా డి సోజ కలిసి నటించిన సాంబ చిత్రం పరవాలేదనిపించింది. వి. వి. వినాయక్, జూ. ఎన్. టి. ఆర్ కలయికలో వచ్చిన రెండవ చిత్రం సాంబ. కోడలి నాని నిర్మాణంలో మణిశర్మ సంగీతం అందించిన సాంబ చిత్రం చదువు నేపధ్యం మీద రూపొందించబడింది.
సాంబ చిత్రం కన్నడ, బాంగ్లాదేశ్ భాషల్లో కూడా రీమేక్ చేయడం విశేషం. వార ముళ్ళపూడి దర్శకత్వంలో జూ. ఎన్. టి. ఆర్, శ్రియ శరన్, జెనీలియా డి సౌజ కలిసి నటించిన నా అల్లుడు చిత్రం ప్రేక్షకులను నిరాశపరిచింది. ఈ చిత్రంలో రమ్యకృష్ణ ప్రత్యేక పాత్రలో నటించగా దేవి శ్రీ ప్రసాద్ ఈ చిత్రానికి సంగీతం అందించారు.
బి. గోపాల్ దర్శకత్వంలో జూ. ఎన్. టి. ఆర్, అమీషా పటేల్, సమీరా రెడ్డి కలిసి నటించిన నరసింహుడు చిత్రం ఆకట్టుకోలేకపోయింది. ఈ చిత్రానికి మణిశర్మ సంగీతం అందించగా ప్రముఖ నటి ఆర్తి అగర్వాల్ ప్రత్యేక పాటలో అలరించారు. సురేందర్ రెడ్డి దర్శకత్వంలో జూ. ఎన్. టి. ఆర్, సమీరా రెడ్డి, ప్రకాష్ రాజ్, సోను సూద్ కలిసి నటించిన అశోక్ చిత్రం పరవాలేదనిపించింది. ఈ చిత్రానికి మణిశర్మ సంగీతం అందించారు మరియు ఈ చిత్రం బాంగ్లాదేశ్ భాషలో నిర్మించడం విశేషం.
కృష్ణవంశీ దర్శకత్వంలో జూ. ఎన్. టి. ఆర్, ఇలియానా, ఛార్మి కలిసి నటించిన రాఖి చిత్రం పరవాలేదనిపించింది. ఈ చిత్రంలో తన చెల్లెల్ని కిరాతకంగా హింసించి హత్య చేయగా ఆ కోపంతో తన చెల్లితో పాటు మిగితా ఆడవాళ్ళకి జరిగే అన్యాయాన్ని ఎదిరించడానికి అందరిమీద తిరగబడతారు జూ. ఎన్. టి. ఆర్. ఈ చిత్రంలో జూ. ఎన్. టి. ఆర్ తన నట విశ్వరూపం చూపించారు అని చెప్పొచ్చు. ఈ చిత్రంలో సుహాసిని, శరత్ బాబు, షాయాజీ షిండే ముఖ్య పాత్రలో నటించగా దేవి శ్రీ ప్రసాద్ సంగీతం అందించారు.
వరుస విజయాలు
2007 సంవత్సరంలో ఎస్. ఎస్. రాజమౌళి దర్శకత్వంలో జూ. ఎన్. టి. ఆర్, మమతా మోహన్దాస్, ప్రియమణి కలిసి నటించిన యమదొంగ చిత్రం భారీ విజయం సాధించింది. ఎస్. ఎస్. రాజమౌళి, జూ. ఎన్. టి. ఆర్ కలయికలో వచ్చిన మూడవ చిత్రం యమదొంగ. ఈ చిత్రంలో జూ. ఎన్. టి. ఆర్ శరీరాకృతి చుసిన అభిమానులు ఆశ్చర్యపోవడం జరిగింది. రాఖి చిత్రం వరకు భారీ శరీరాకృతితో ఉన్న జూ. ఎన్. టి. ఆర్ యమదొంగ చిత్రంలో చాల వరకు బరువు తగ్గి సన్నగా కనిపించారు.
యమదొంగ చిత్రంలో వచ్చే ఒక సన్నివేశం ప్రేక్షకులను ఎంతగానో ఆకట్టుకుంది. ప్రముఖ హాస్య నటుడు అలీ గారడీ చేస్తుంటే అక్కడ కూర్చున్న ప్రేక్షకుడు పులి నుంచి మనిషిని తీస్కోనిరా అప్పుడు నీ గారడీ విద్య నమ్ముతాం అనడం వెంటనే అలీ దానికి అంగీకరించి పులిని పిలవడం అప్పుడు ఆ పులి ఒక దూకు దూకగానే జూ. ఎన్. టి. ఆర్ అవ్వడం చూసి అభిమానులు ఎంతగానో సంబరపడిపోయారు.
ఈ చిత్రంలో యంగ్ యమా పాత్రలో జూ. ఎన్. టి. ఆర్ కాసేపు అలరించడం విశేషం అంతేకాకుండా ఈ చిత్రంలో ప్రముఖ నటుడు కలెక్షన్ కింగ్ డా. మోహన్ బాబు యముడి పాత్రలో తన భార్య పాత్రలో ప్రముఖ నటి ఖుష్బూ నటించి మెప్పించారు. ఈ చిత్రానికి ఎం. ఎం. కీరవాణి సంగీతం అందించారు. ఈ చిత్రంలో ఒక పాటలో వేద, నవనీత్ కౌర్, ప్రీతి జింగ్యానీ కనిపించడం విశేషం. ఈ చిత్రంలో జూ. ఎన్. టి. ఆర్ ఒక పాట పాడి అభిమానులని అలరించారు.
మెహర్ రమేష్ దర్శకత్వంలో జూ. ఎన్. టి. ఆర్, హన్సిక, తనిషా కలిసి నటించిన కంత్రి చిత్రం విజయం సాధించింది. ఈ చిత్రానికి సి. అశ్విని దత్ నిర్మించగా మణిశర్మ సంగీతం అందించారు. ఈ చిత్రంలో ప్రకాష్ రాజ్, కోట శ్రీనివాసరావు ప్రత్యేక పాత్రలో నటించడం జరిగింది. ఈ చిత్రంలో జూ. ఎన్. టి. ఆర్ పాత్రని 3డి యానిమేషన్ పాత్రలో చిత్రీకరించడం విశేషం.
అంతేకాకుండా భారత దేశంలో మొదటి సారి ఒక కధానాయకుడి మీద ఇలా చిత్రీకరించారు. ఈ చిత్రంలో జూ. ఎన్. టి. ఆర్ ఒక పాట పాడి అభిమానులని అలరించడం విశేషం. కంత్రి చిత్రం హిందీ, తమిళ్, మలయాళం, భాషల్లోన్నే కాకుండా ఇంగ్లీష్ భాషల్లో కూడా డబ్బింగ్ అవ్వడం విశేషం. ఈ చిత్రానికి కొన్ని పురస్కారాలు లభించడం విశేషం.
మరికొన్ని విజయాలు
2010 సంవత్సరంలో వి. వి. వినాయక్ దర్శకత్వంలో జూ. ఎన్. టి. ఆర్, షీలా, నయనతార కలిసి నటించిన అదుర్స్ చిత్రం భారీ విజయం సాధించింది. ఈ చిత్రంలో హాస్య నటులు బ్రహ్మానందం ప్రత్యేక పాత్రలో నటించి ప్రేక్షకులని అలరించారు. పౌరోహిత్యం చేసే పాత్రలో బ్రహ్మానందం, జూ. ఎన్. టి. ఆర్ గురు శిష్యులుగా నటించారు.
బ్రహ్మానందం, జూ. ఎన్. టి. ఆర్ మధ్య వచ్చే సన్నివేశాలు అలాగే బ్రహ్మానందం, ఎం. ఎస్. నారాయణ మధ్య వచ్చే సన్నివేశాలు ప్రేక్షకులను నవ్వులతో అలరిస్తుంది. అదుర్స్ చిత్రంలో జూ. ఎన్. టి. ఆర్ ద్విపాత్రాభినయంలో నటించారు మరియు ఈ చిత్రానికి దేవి శ్రీ ప్రసాద్ సంగీతాన్ని అందించారు.
వంశీ పైడిపల్లి దర్శకత్వంలో దిల్ రాజు నిర్మాతగా జూ. ఎన్. టి. ఆర్, కాజల్ అగర్వాల్, సమంత కలిసి నటించిన బృందావనం చిత్రం భారీ విజయం సాధించింది. 2010 సంవత్సరంలో విడుదలైన ఈ చిత్రంలో కోట శ్రీనివాసరావు, ముకేశ్ రిషి, ప్రకాష్ రాజ్, రఘుబాబు, బ్రహ్మాజీ, తనికెళ్ళ భరణి, అజయ్, వేణుమాధవ్, ఆహుతి ప్రసాద్ సన, ప్రగతి, హేమ, సితార, సురేఖ వాణి కలిసి నటించిన ఈ చిత్రానికి ఎస్. ఎస్. థమన్ సంగీతం అందించారు. బృందావనం చిత్రాన్ని ఒడియా, కన్నడ, భోజపురి, బెంగాలీ, మరాఠీ మరియు బాంగ్లాదేశ్ భాషల్లో రీమేక్ చేయడం విశేషం.
అపజయాలు
మెహెర్ రమేష్ దర్శకత్వంలో 2011 సంవత్సరంలో జూ. ఎన్. టి. ఆర్, ఇలియానా, కలిసి నటించిన చిత్రం శక్తి ప్రేక్షకులను నిరాశపరిచింది. వైజయంతి బ్యానర్ మీద సి. అశ్వినిదత్ నిర్మాణంలో మణిశర్మ సంగీతాన్ని అందించిన ఈ చిత్రంలో హిందీ నటులు జాకీ ష్రాఫ్ నటించారు మరియు ఈ చిత్రంలో జూ. ఎన్. టి. ఆర్ ద్విపాత్రాభినయంలో తండ్రి, కొడుకు గా నటించారు.
సురేందర్ రెడ్డి దర్శకత్వంలో జూ. ఎన్. టి. ఆర్, తమన్నా కలిసి నటించిన ఊసర్రవెల్లి చిత్రం పరవాలేదనిపించింది. గతం మరిచిపోయిన తమన్నాని ఎలా కాపాడుతాడు అలాగే తమన్నా కుటుంబాన్ని హత్య చేసిన దుండగుల మీద ఎలా ప్రతీకారం తీర్చుకుంటాడు అనేది ఈ చిత్ర నేపధ్యం. ఈ చిత్రంలో జూ. ఎన్. టి. ఆర్ నటన అద్భుతం అని చెప్పాలి మరియు ఈ చిత్రానికి దేవి శ్రీ ప్రసాద్ సంగీతం అందించారు.
బోయపాటి శ్రీను దర్శకత్వంలో జూ. ఎన్. టి. ఆర్, త్రిష, కార్తీక, కలిసి నటించిన చిత్రం దమ్ము. భారీ అంచనాలతో విడుదలైన ఈ చిత్రం ఘోర పరాజయాన్ని చూసింది. కోట శ్రీనివాసరావు, సుమన్, భానుప్రియ, వేణు తొట్టెంపూడి, అభినయ, హరితేజ ముఖ్య పాత్రలో నటించిన ఈ చిత్రానికి ఎం. ఎం. కీరవాణి సంగీతం అందించారు మరియు ఈ చిత్రంలో పాటలు ప్రేక్షకులను అలరించాయి.
శ్రీను వైట్ల దర్శకత్వంలో జూ. ఎన్. టి. ఆర్, కాజల్ అగర్వాల్ కలిసి నటించిన బాద్షా చిత్రం విజయం సాధించింది. ఈ చిత్రంలో నవదీప్ కీలక పాత్రలో నటించడం జరిగింది. చంద్ర మోహన్, ముకేశ్ రిషి, నాజర్, తనికెళ్ల భరణి, బ్రహ్మాజీ, బ్రహ్మానందం, సుధా, ప్రగతి, సత్య కృష్ణ నటించిన ఈ చిత్రంలో ప్రముఖ నటి సుహాసిని ప్రత్యేక పాత్రలో నటించడం విశేషం.
బాద్షా చిత్రంలో జూ. ఎన్. టి. ఆర్ స్నేహితుడి పాత్రలో సిద్దార్థ్ నటించారు మరియు ఈ చిత్రానికి ఎస్. ఎస్. థమన్ సంగీతాన్ని అందించారు. మాఫియా నేపథ్యంలో సాగే ఈ చిత్రంలో బ్రహ్మానందం మరియు జూ. ఎన్. టి. ఆర్ మధ్య వచ్చే సన్నివేశాలు ప్రేక్షకుల్ని నవ్వు తెప్పిస్తాయి. హరీష్ శంకర్ దర్శకత్వంలో జూ. ఎన్. టి. ఆర్, సమంత, శృతి హస్సన్ కలిసి నటించిన రామయ్య వస్తావయ్యా నిరాశపరిచింది. ఈ చిత్రానికి ఎస్. ఎస్. థమన్ అందించిన సంగీతం ప్రేక్షకులను అలరించింది.
సంతోష్ శ్రీనివాస్ దర్శకత్వంలో జూ. ఎన్. టి. ఆర్, సమంత, ప్రణీత కలిసి నటించిన రభస చిత్రం ప్రేక్షకులను నిరాశపరిచింది. ఈ చిత్రానికి ఎస్. ఎస్. థమన్ అందించిన సంగీతం అలరించింది.
వరుస విజయాలు
పూరి జగన్నాధ్ దర్శకత్వంలో జూ. ఎన్. టి. ఆర్, కాజల్ అగర్వాల్ కలిసి నటించిన టెంపర్ చిత్రం భారీ విజయం సాధించింది. పరమేశ్వర ఆర్ట్స్ బ్యానర్ మీద 2015 సంవత్సరంలో బండ్ల గణేష్ నిర్మించిన ఈ చిత్రంలో ఇన్స్పెక్టర్ దయ పాత్రలో జూ. ఎన్. టి. ఆర్ నటించారు అనడంకంటే జీవించారు అని చెప్పుకోవచ్చు. ఈ చిత్రంలో జూ. ఎన్. టి. ఆర్ పాత్రతో పాటు నటన కూడా కొత్తగా ఉంటుంది. ఒక లంచగొండి పోలీస్ ఇన్స్పెక్టర్ పాత్రలో జూ. ఎన్. టి. ఆర్ అద్భుతంగా నటించారు.
ఒక హత్యాచారం కేసు ఛేదించే క్రమంలో జూ. ఎన్. టి. ఆర్ మంచి ఇన్స్పెక్టర్గా ఎలా మారిపోతారు, ఆ తరువాత ఆ నేరం చేసిన వారిని ఎలా పట్టుకుంటారు మరియు వారికి ఎలా శిక్ష పడేలా చేస్తారు అనేది ఈ చిత్రంలో చూడొచ్చు. ఈ చిత్రంలో కోర్ట్ సన్నివేశంలో వచ్చే కొన్ని సంభాషణలు మరియు జూ. ఎన్. టి. ఆర్ నటన ప్రేక్షకులను చప్పట్లు కొట్టేలా చిత్రీకరించారు.
ప్రకాష్ రాజ్, పోసాని కృష్ణమురళి, సోనియా అగర్వాల్ ప్రత్యేక పాత్రలో నటించిన ఈ చిత్రానికి అనూప్ రూబెన్స్ సంగీతం అందించగా మణిశర్మ నేపధ్య సంగీతం అందించారు. పూరి జగన్నాధ్, జూ. ఎన్. టి. ఆర్ కలయికలో వచ్చిన రెండవ చిత్రం టెంపర్. “నా పేరు దయ నాకు లేనిదే అది” “ఇద్దరు కొట్టుకుంటే యుద్ధం అదే ఒకడు మీదపడిపోతే దండయాత్ర ఇది దయ గాడి దండయాత్ర” అంటూ జూ. ఎన్. టి. ఆర్ చెప్పే సంభాషణలు ఈలలు కొట్టిస్తాయి.
సుకుమార్ దర్శకత్వంలో జూ. ఎన్. టి. ఆర్, రకుల్ ప్రీత్ సింగ్, జగపతిబాబు, రాజేంద్ర ప్రసాద్, రాజీవ్ కనకాల, శ్రీనివాస్ అవసరాల కలిసి నటించిన నాన్నకు ప్రేమతో చిత్రం విజయాన్ని అందుకుంది. కొత్తరకమైన కథతో ఈ చిత్రాన్ని రూపొందించారు దర్శకులు సుకుమార్. ఈ చిత్రానికి సంగీతం దేవి శ్రీ ప్రసాద్ అందించడం విశేషం మరియు ఈ చిత్రంలో పాటలన్ని విజయం సాధించాయి.
కొరటాల శివ దర్శకత్వంలో జూ. ఎన్. టి. ఆర్, సమంత, నిత్యామీనన్ కలిసి నటించిన జనతా గ్యారేజ్ చిత్రం ఘాన విజయం సాధించింది. ఈ చిత్రంలో “డైలాగ్ కింగ్” సాయి కుమార్, మలయాళ “సూపర్ స్టార్” మోహన్ లాల్ మరియు ప్రముఖ నటులు సురేష్ నటించారు. ఈ చిత్రంలో జూ. ఎన్. టి. ఆర్ నటన ప్రేక్షకులను ఆకట్టుకుంటుంది.
జనతా గ్యారేజ్ చిత్రంలో ప్రత్యేక పాత్రలో ప్రముఖ మలయాళ నటులు మోహన్ లాల్ నటించారు. జూ. ఎన్. టి. ఆర్ మరియు మోహన్ లాల్ మధ్య వచ్చే సన్నివేశాలు చాల బాగా తెరకెక్కించారు కొరటాలశివ. ఈ చిత్రానికి దేవి శ్రీ ప్రసాద్ అందించిన సంగీతం ప్రేక్షకులను అలరించింది మరియు కాజల్ అగర్వాల్ ప్రత్యేక పాటలో నటించారు.
మరికొన్ని చిత్రాలు
కె.ఎస్. రవీంద్ర దర్శకత్వంలో జూ. ఎన్. టి. ఆర్, రాశి ఖన్నా, నివేద థామస్ డైలాగ్ కింగ్ సాయి కుమార్ కలిసి నటించిన జై లవ కుశ చిత్రం ఘన విజయం సాధించింది. ఈ చిత్రంలో జూ. ఎన్. టి. ఆర్ త్రిపాత్రాభినయంలో నటించి ప్రేక్షకులను మెప్పించారు. ఈ చిత్రానికి దేవి శ్రీ ప్రసాద్ అందించిన సంగీతం ప్రేక్షకులను అలరించగా తమన్నా భాటియా ప్రత్యేక పాటలో నటించి అలరించారు.
ఈ చిత్రంలో జూ. ఎన్. టి. ఆర్ మూడు పాత్రల గురించి చెప్పుకోవాలంటే, ఒక పాత్ర దొంగ పాత్రలో సరదాగా ఉంటె రెండవ పాత్ర ఉద్యోగం చేస్తూ అమాయకుడి పాత్రలో నటించారు జూ. ఎన్. టి. ఆర్. ఇక మూడవ పాత్ర గురించి చెప్పుకోవాలంటే ప్రతినాయకుడి పాత్రతో పాటు నత్తితో మాట్లాడే వ్యక్తిగా అద్భుతంగా నటించారు జూ. ఎన్. టి. ఆర్.
చిన్నప్పుడు తనని హేళన చేసినందుకు పెరిగి పెద్దయ్యాక పూర్తిగా ప్రతినాయకుడిగా మారిపోయి సోదరుల మీద మరియు మేనమా పాత్ర పోసాని కృష్ణ మురళి మీద పగ పెంచుకునే పాత్రలో నటించారు జూ. ఎన్. టి. ఆర్.
త్రివిక్రమ్ శ్రీనివాస్ దర్శకత్వంలో జూ. ఎన్. టి. ఆర్, పూజ హెగ్డే, నరేష్, నాగబాబు, జగపతిబాబు, నవీన్ చంద్ర, దేవయాని, ఈషా రెబ్బ, సునీల్ కలిసి నటించిన చిత్రం అరవింద సమేత వీర రాఘవ. ఈ చిత్రానికి ఎస్ ఎస్ థమన్ అందించిన సంగీతం ప్రేక్షకులను అలరించింది. గొడవలకి దూరంగా ఉండే పాత్రలో జూ. ఎన్. టి. ఆర్ నటించారు.
మాల్టీస్టారర్, బాలీవుడ్ అరంగ్రేటం
ఎస్. ఎస్. రాజమౌళి దర్శకత్వంలో జూ. ఎన్. టి. ఆర్, రామ్ చరణ్ కలిసి నటించిన ఆర్ ఆర్ ఆర్ చిత్రం భారీ విజయం సాధించింది. ఈ చిత్రంలో జూ. ఎన్. టి. ఆర్ కొమరం భీం పాత్రలో నటించి ప్రేక్షకులను అలరించారు. ఇదే చిత్రంలో అల్లూరి సీతారామ రాజు పాత్రలో రాంచరణ్ నటించడం విశేషం.
తెలుగు భాషలో మాత్రమే కాకుండా ప్రపంచం మొత్తం ఈ చిత్రాన్ని ప్రేక్షకులు చూడడం జరిగింది. ఈ చిత్రంలో జూ. ఎన్. టి. ఆర్, రామ్ చరణ్ కలిసి నాటు నాటు అనే పాటకి చేసిన నృత్యం ప్రేక్షకులను ఈలా వేసేలాగా చేసింది. ఈ పాటకి ప్రఖ్యాత ఆస్కార్ పురస్కారం రావడం విశేషం. అన్ని భాషల్లో ఈ చిత్రం విడుదలై భారీ విజయం సాధించింది.
ఎస్. ఎస్. రాజమౌళి, జూ. ఎన్. టి. ఆర్ కలయికలో వచ్చిన నాల్గవ చిత్రం ఆర్ ఆర్ ఆర్ మరియు ఎస్. ఎస్. రాజమౌళి, రామ్ చరణ్ కలయికలో వచ్చిన రెండవ చిత్రమిది. ఈ చిత్రంలో బాలీవుడ్ భామ ఆలియా భట్ రాంచరణ్ భార్య పాత్రలో మరియు బాలీవుడ్ సూపర్ స్టార్ అజయ్ దేవగణ్, శ్రియ శరన్ నటించడం విశేషం. ఎం. ఎం. కీరవాణి సంగీతం అలరించింది.
కొరటాల శివ దర్శకత్వంలో జూ. ఎన్. టి. ఆర్ నటించిన దేవర చిత్రం భారీ విజయం సాధించింది. ఈ చిత్రంలో “బాలీవుడ్ భామ” శ్రీదేవి కుమార్తె ఝాన్వికపూర్ కథానాయికగా తెలుగు తెరకు పరిచయం అవ్వడం విశేషం. అంతేకాకుండా ఈ చిత్రంలో శ్రీకాంత్, ప్రకాష్ రాజ్ నటించగా ప్రత్యేక పాత్రలో నటించగా బాలీవుడ్ కధానాయకుడు సైఫ్ అలీ ఖాన్ ప్రతినాయకుడిగా నటించారు.
ఈ చిత్రంలో జూ. ఎన్. టి. ఆర్ తండ్రి కొడుకులుగా ద్విపాత్రాభినయంలో నటించారు. దేవర చిత్రానికి అనిరుద్ రవిచంద్రన్ సంగీతం అందించడం విశేషం. ఇప్పుడు వార్ 2 చిత్రంతో హిందీ సినీ పరిశ్రమలో అడుగుపెడుతున్నారు జూ. ఎన్. టి. ఆర్. ఈ చిత్రంలో బాలీవుడ్ స్టార్ హృతిక్ రోషన్ మరో కధానాయకుడిగా నటిస్తున్నారు.
మరికొన్ని విషయాలు
గాయకుడిగా తను నటించిన కొన్ని చిత్రాల్లో పాటలు పాడారు జూ. ఎన్. టి. ఆర్, అలాగే కన్నడ భాషలో ప్రముఖ నటుడు పునీత్ రాజ్ కుమార్ నటించిన చక్రవ్యూహ చిత్రంలో కూడా పాడి అభిమానులను అలరించారు జూ. ఎన్. టి. ఆర్. “స్టార్ మా” తెలుగు ఛానల్లో ప్రసారమైన “బిగ్ బాస్” తెలుగు మొదటి సీజన్ కార్యక్రమాన్ని వ్యాఖ్యాతగా వ్యవహరించారు.
“జెమినీ టీవి”లో ప్రసారమైన “ఎవరు మీలో కోటీశ్వరుడు” కార్యక్రమాన్ని కూడా వ్యాఖ్యాతగా వ్యవహరించారు. 2009 సంవత్సరంలో ఎన్నికల ప్రచారంలో నుంచి తిరిగి వస్తుండగా ఘోర ప్రమాదం నుంచి బైటపడ్డారు జూ. ఎన్. టి. ఆర్. కూచిపూడి నృత్యంలో ప్రావిణ్యం పొందారు జూ. ఎన్. టి. ఆర్.
వ్యక్తిగతం
జూ. ఎన్. టి. ఆర్ పూర్తి పేరు నందమూరి తారకరామ్ కానీ ప్రముఖ నటులు “విశ్వవిఖ్యాత నటసార్వాభౌమ” నందమూరి తారక రామారావు తన పేరే జూ. ఎన్. టి. ఆర్ గారికి పేరు పెట్టడం జరిగింది. జూ. ఎన్. టి. ఆర్ తల్లి పేరు షాలిని మరియు తను నందమూరి హరికృష్ణ రెండవ భార్య.
20 మే 1983 సంవత్సరంలో హైదరాబాద్ నగరంలో జన్మించారు జూ. ఎన్. టి. ఆర్ మరియు తన చదువంతా హైదరాబాద్ నగరంలో కొనసాగింది. 2011 సంవత్సరంలో లక్ష్మి ప్రణతితో వివాహం జరిగింది మరియు వీరికి ఇద్దరు కుమారులు.
జూ. ఎన్. టి. ఆర్ నటించిన చిత్రాల గురించి తెలుసుకుందాం
బాలనటుడిగా:
- బ్రహ్మర్షి విశ్వామిత్ర
- రామాయణం
కధానాయకుడిగా:
- నిన్ను చూడాలని
- స్టూడెంట్ No 1
- సుబ్బు
- ఆది
- అల్లరి రాముడు
- నాగ
- సింహాద్రి
- ఆంద్రవాలా
- సాంబ
- నా అల్లుడు
- నరసింహుడు
- అశోక్
- రాఖి
- యమదొంగ
- కంత్రి
- చింతకాయల రవి (పాటలో అతిధి పాత్ర)
- అదుర్స్
- బృందావనం
- శక్తి
- ఊసరవెల్లి
- దమ్ము
- బాద్షా
- రామయ్య వస్తావయ్యా
- రభస
- టెంపర్
- నాన్నకు ప్రేమతో
- జనతా గ్యారేజ్
- జై లవ కుశ
- అరవింద సమెత వీర రాఘవ
- ఆర్ ఆర్ ఆర్
- దేవర