ప్రతి భారత క్రికెట్ అభిమాని కల ఒక్కసారైనా జాతీయ జట్టుకి ఆడాలి అని, కానీ అది అందరికి సాధ్యపడదు దానికోసం ఏంతో పట్టుదల, కృషి ఉండాలి. ప్రతిరోజూ సాధన చేస్తూ శిక్షణ తీసుకోవాలి, మరి అలంటి కృషి పట్టుదలతో కష్టపడి భారత జట్టులో చోటు సంపాదించిన ఒక ఆటగాడి గురించి తెలుసుకుందాం.
భారత జట్టులో స్థానం సంపాదించి ఆ తరువాత విఫలమయ్యి మళ్ళీ జట్టులోకి వచ్చి అందరి అంచనాలని పటాపంచలు చేస్తూ తనకంటూ జట్టులో ఒక ప్రత్యేక స్థానాన్ని, అభిమానులని సంపాదించి ఎన్నో చిరస్మరణీయమైన విజయాలు తన ఖాతాలో వేసుకున్న మన తెలుగు ఆటగాడు వి. వి. ఎస్. లక్ష్మణ్.
ఎలాంటి వివాదాలు లేకుండా 16 సంవత్సరాలు క్రికెట్ ఆడి ఆ తరువాత క్రికెట్ వ్యాఖ్యాతగా, జాతీయ క్రికెట్ అకాడమీ హెడ్, అండర్ 19 క్రికెట్ మరియు ఇండియా ఏ జట్టుకి కోచ్ పాత్రలో తన సేవలు అందించిన మన హైదరాబాద్ ఆటగాడు వి. వి. ఎస్. లక్ష్మణ్ గురించి తెలుసుకుందాం.
వి. వి. ఎస్. లక్ష్మణ్ పూర్తి పేరు వంగిపురపు వెంకట సాయి లక్ష్మణ్. ఆంగ్లంలో “వెరీ వెరీ స్పెషల్” మరియు తెలుగులో “సొగసరి” ఆటగాడు పేరుతొ పిలవబడే ఆటగాడు ఎవరు అంటే వి. వి. ఎస్. లక్ష్మణ్ అని చెప్పుకోవచ్చు. సచిన్ టెండూల్కర్, సౌరవ్ గంగూలీ, రాహుల్ ద్రావిడ్, వీరేందర్ సెహ్వాగ్ మరియు అనిల్ కుంబ్లే లాంటి దిగజ్జ క్రికెట్ క్రీడాకారుల సరసన చేరిన ఆటగాడు వి. వి. ఎస్. లక్ష్మణ్.
క్రికెట్ అరంగ్రేటం
వి. వి. ఎస్. లక్ష్మణ్ ఫస్ట్ క్లాస్ క్రికెట్ 1992 సంవత్సరంలో ప్రారంభమైంది. పంజాబ్ జట్టుతో జరిగిన రంజీ ట్రోఫీ క్వార్టర్ ఫైనల్ మ్యాచ్ నుండి తన క్రికెట్ ప్రస్థానం మొదలుపెట్టారు. ఈ మ్యాచ్లో రెండు ఇన్నింగ్స్లో 0 మరియు 17 పరుగులు చేయడం జరిగింది. ఆ తరువాత 1994 – 1995 సంవత్సరం దులీప్ ట్రోఫీ టోర్నమెంట్లో సౌత్ జోన్ జట్టు తరుపున ఎంపికయ్యారు వి. వి. ఎస్. లక్ష్మణ్. ఈ టోర్నమెంట్లో వి. వి. ఎస్. లక్ష్మణ్ మూడు మ్యాచ్లు కలిపి 0 & 24, 1 మరియు 23 & 14 పరుగులు చేశారు.
1994 – 1995 సంవత్సరంలో జరిగిన రంజీ ట్రోఫీ టోర్నమెంట్లో సీజన్లో తమిళనాడు జట్టుతో 60 & 27, కేరళ జట్టుతో 103 & 13, గోవా జట్టుతో 112 & 44, కర్ణాటక జట్టుతో 22 & 6, ఆంధ్ర జట్టుతో 96 & 49 పరుగులు చేశారు వి. వి. ఎస్. లక్ష్మణ్. ఈ టోర్నమెంట్లో రెండు శతకాలు మరియు రెండు అర్ధ శతకాలతో 5 మ్యాచ్లు ఆడి 532 పరుగులు చేశారు.
1995 సంవత్సరారంలో జరిగిన దులీప్ ట్రోఫీ టోర్నమెంట్ సీజన్లో ఈస్ట్ జోన్ జట్టుతో 8 & 137, వెస్ట్ జోన్ జట్టుతో 47 & 121, సెంట్రల్ జోన్ జట్టుతో 48, నార్త్ జోన్ జట్టుతో 34 పరుగులు చేసి 4 మ్యాచ్లో 395 పరుగులు చేశారు వి. వి. ఎస్. లక్ష్మణ్ మరియు రెండు శతకాలు సాధించడం విశేషం. అంతేకాకుండా ఈ టోర్నమెంట్లో ఈస్ట్ జోన్ జట్టుతో ఆడిన మ్యాచ్లో రాహుల్ ద్రావిడ్ తో కలిసి 199 పరుగుల భాగస్వామ్యం పంచుకోవడం జరిగింది.
ఆ తరువాత 1995 సంవత్సరంలో జరిగిన రంజీ ట్రోఫీ టోర్నమెంట్లో కేరళ జట్టుతో 17 & 13, గోవా జట్టుతో 48, ఆంధ్ర జట్టుతో 32 & 4, కర్ణాటక జట్టుతో 2 & 79, అస్సాం జట్టుతో 130, విదర్భ జట్టుతో 196, కర్ణాటక జట్టుతో జరిగిన మ్యాచ్లో 51 & 203 పరుగులు చేయడం జరిగింది. ఈ టోర్నమెంట్లో మొత్తం 2 అర్ధ శతకాలు, 3 శతకాలు సాధించి 7 మ్యాచ్లో 775 పరుగు సాధించారు వి. వి. ఎస్. లక్ష్మణ్.
1996 సంవత్సరంలో జరిగిన ఇరానీ కప్ టోర్నమెంట్లో రెస్ట్ అఫ్ ఇండియా జట్టు vs కర్ణాటక మధ్య జరిగిన మ్యాచ్లో రెస్ట్ అఫ్ ఇండియా జట్టు తరుపున ఆడారు వి. వి. ఎస్. లక్ష్మణ్. ఈ మ్యాచ్లో వి. వి. ఎస్. లక్ష్మణ్ 0 & 78 పరుగులు చేయడం జరిగింది మరియు ఈ మ్యాచ్ కర్ణాటక జట్టు గెలిచింది.
అండర్ 19 టౌర్నమెంట్
అండర్ – 19 యూత్ టెస్ట్ టోర్నమెంట్లో అరంగ్రేటం చేసిన వి. వి. ఎస్. లక్ష్మణ్ తన మొదటి మ్యాచ్లో ఆస్ట్రేలియా జట్టుతో మీద 88 & 5 పరుగులు చేయడం జరిగింది. రెండవ మ్యాచ్లో మొదటి ఇన్నింగ్స్లో 151 పరుగులతో భారీ శతకం సాధించిన వి. వి. ఎస్. లక్ష్మణ్ రెండవ ఇన్నింగ్స్లో 77 పరుగులు చేశారు మరియు ఈ మ్యాచ్ భారత జట్టు గెలవడం విశేషం.
ఈ టోర్నమెంట్లో మూడవ మ్యాచ్లో 36 & 84 పరుగులు చేశారు వి. వి. ఎస్. లక్ష్మణ్ కాని ఈ మ్యాచ్ భారత జట్టు ఓడిపోయింది. ఆ తరువాత ఇంగ్లాండ్ జట్టుతో అండర్ – 19 యూత్ టెస్ట్ టోర్నమెంట్లో జరిగిన మొదటి మ్యాచ్లో 119 పరుగులు చేయగా ఈ మ్యాచ్ భారత్ గెలిచింది. ఇక రెండవ మ్యాచ్ విషయానికి వస్తే 28 పరుగులు మరియు మూడవ మ్యాచ్లో 4 పరుగులు చేయడం జరిగింది మరియు ఈ రెండు మ్యాచ్లు డ్రా గా ముగియడం జరిగింది.
ఇక అండర్ – 19 యూత్ వన్డే సిరీస్ వచ్చేసరికి ఆస్ట్రేలియా జట్టుతో ఆడిన మొదటి మ్యాచ్లో 24, రెండవ మ్యాచ్లో 22 మరియు మూడవ మ్యాచ్లో 77 పరుగులు చేయడం విశేషం. ఈ సిరీస్ లో రెండు మ్యాచ్లు గెలిచి ఒక మ్యాచ్ ఓడిపోయింది భారత జట్టు. ఇక మరో వన్డే సిరీస్ లో ఇంగ్లాండ్ జట్టుతో ఆడిన వి. వి. ఎస్. లక్ష్మణ్, మొదటి మ్యాచ్లో 20, రెండవ మ్యాచ్లో 5 పరుగులు చేశారు మరియు ఈ రెండు వన్డే మ్యాచ్లు భారత్ ఓడిపోయింది.
అంతర్జాతీయ క్రికెట్ ఆరంగ్రేటం
దక్షిణాఫ్రికా జట్టుతో 1996 సంవత్సరంలో జరిగిన అంతర్జాతీయ టెస్ట్ క్రికెట్ సిరీస్ లో భారత జాతీయ జట్టు తరుపున 209వ క్యాప్ ఆటగాడిగా అరంగ్రేటం చేశారు వి. వి. ఎస్. లక్ష్మణ్. మొదటి టెస్ట్ మ్యాచ్లో 11 & 51, రెండవ టెస్ట్ మ్యాచ్లో 14 & 1 పరుగులు చేసిన వి. వి. ఎస్. లక్ష్మణ్ మూడవ టెస్ట్ మ్యాచ్ వచ్చేసరికి తన స్థానం కోల్పోయారు.
వి. వి. ఎస్. లక్ష్మణ్ తన రెండవ సిరీస్ ఆడటానికి దక్షిణాఫ్రికా వెళ్లడం జరిగింది. అక్కడ మొదటి టెస్ట్ మ్యాచ్లో అవకాశం రాకపోవడంతో రెండవ టెస్టులో తన అదృష్టాన్ని పరీక్షించుకున్నారు. రెండవ టెస్ట్ మ్యాచ్లో 5 & 35 పరుగులు చేసి నిరాశపరిచారు. ఇక మూడవ టెస్ట్ మ్యాచ్లో అవకాశం వచ్చినా కూడా పరుగులు చేయకుండా రిటైర్డ్ హర్ట్ వల్ల పెవిలియన్ చేరారు వి. వి. ఎస్. లక్ష్మణ్.
వెస్టిండీస్ పర్యటనకి ఎంపికైన వి. వి. ఎస్. లక్ష్మణ్ మొదటి టెస్ట్ మ్యాచ్లో 64 & 27, రెండవ టెస్ట్ మ్యాచ్లో 0 మూడవ టెస్ట్ మ్యాచ్లో 6 & 19, నాల్గవ టెస్ట్ మ్యాచ్లో 56 మరియు ఐదవ టెస్ట్ మ్యాచ్లో తన స్థానం కోల్పోవడం జరిగింది. మొత్తం ఈ సిరీస్ లో రెండు అర్ధ శతకాలు సాధించారు. 1998 సంవత్సరంలో ఆస్ట్రేలియా జట్టుతో ఆడిన టెస్ట్ మ్యాచ్లో 95పరుగులు సాధించారు. ఆ తరువాత మరో టెస్ట్ మ్యాచ్లో 6 & 15 పరుగులు సాధించారు.
ఎన్నో అంతర్జాతీయ టెస్ట్ మ్యాచ్లు ఆడినా కూడా తగినంత గుర్తింపు రాకపోవడం మరియు సెలక్షన్ కమిటీని పెద్దగా ఆకర్షించలేకపోవడం వల్ల జట్టులో స్థిరమైన స్థానం సంపాదించలేకపోయారు వి. వి. ఎస్. లక్ష్మణ్. ఇక అంతర్జాతీయ వన్డే మ్యాచ్ విషయానికి వస్తే 1998 సంవత్సరంలో భారత్, ఆస్ట్రేలియా, జింబాబ్వే మధ్య జరిగిన ట్రై ఆంగులర్ సిరీస్ లో భారత జాతీయ జట్టు తరుపున 112వ క్యాప్ ఆటగాడిగా జింబాబ్వే జట్టు పై అరంగ్రేటం చేశారు. ఆడిన మొదటి వన్డే మ్యాచ్లో సున్నా పరుగులు చేశారు.
భారత్, ఆస్ట్రేలియా, న్యూజిలాండ్ జట్ల మధ్య జరిగిన మరో ట్రై ఆంగులర్ సిరీస్ లో రెండు మ్యాచ్లలో అవకాశం లభించగా, రెండు మ్యాచ్లలో కూడా పెద్దగా రాణించలేదు. న్యూజిలాండ్ జట్టుతో 23 మరియు ఆస్ట్రేలియా జట్టుతో 23 పరుగులు చేశారు మరియు ఈ రెండు మ్యాచ్లు భారత జట్టు ఓడిపోవడం జరిగింది. ఆ తరువాత జరిగిన మరో ట్రై ఆంగులర్ సిరీస్ లో కూడా పెద్దగా ఆకట్టుకోలేకపోయారు వి. వి. ఎస్. లక్ష్మణ్.
మళ్ళీ ఫస్ట్ క్లాస్ క్రికెట్
ఆస్ట్రేలియా జట్టుతో 1999 – 2000 సంవత్సరంలో ఆస్ట్రేలియా దేశంలో జరిగిన టెస్ట్ సిరీస్ లో మొదటి మ్యాచ్లో 41 & 0, రెండవ టెస్ట్ మ్యాచ్లో 5 & 1 మరియు మూడవ టెస్ట్ మ్యాచ్లో 7 & 167 పరుగులు చేశారు వి. వి. ఎస్. లక్ష్మణ్. ఎన్నో అవకాశాలు వచ్చినా కూడా వాటిని భారీ పరుగులు చేయడంలో విఫలం అయ్యారు వి. వి. ఎస్. లక్ష్మణ్.
జాతీయ జట్టులో స్థానం సంపాదించి స్థిరంగా కొనసాగాలని, మళ్ళీ రంజీ ట్రోఫీ క్రికెట్లో అడుగుపెట్టి తన అదృష్టాన్ని పరీక్షించుకోవాలి అనుకున్నారు. అనుకున్న విధంగా రంజీ ట్రోఫీ సీజన్లో పరుగుల వరద సాధించి మళ్ళీ జాతీయ జట్టు నుంచి కబురు వచ్చేలా పరుగులు రాబట్టారు వి. వి. ఎస్. లక్ష్మణ్.
2000 సంవత్సరంలో జరిగిన రంజీ ట్రోఫీ టోర్నమెంట్లో గోవా జట్టుతో 131 పరుగులు చేసి 2 వికెట్లు పడగొట్టారు. ఆంధ్ర జట్టుతో 104 మరియు రెండు ఇన్నింగ్స్ లో చెరో వికెట్ పడగొట్టారు. పంజాబ్ జట్టుతో 19, బీహార్ జట్టుతో 119, రైల్వేస్ జట్టుతో 109 పరుగులు చేసి 3 వికెట్లు & 45 పరుగులు చేసి ఒక్క వికెట్ పడగొట్టారు.
బరోడా జట్టుతో 6 & 48, ఉత్తర్ ప్రదేశ్ జట్టుతో 128 & 177, మైసూర్ జట్టుతో 353 & 19 మరియు ఫైనల్ మ్యాచ్ ముంబై జట్టుతో 46 & 111 పరుగులు సాధించారు వి. వి. ఎస్. లక్ష్మణ్. ఈ సీజన్ మొత్తం 12 మ్యాచ్లలో 9 మ్యాచ్లు ఆడి 1415 పరుగులు చేయడం విశేషం. మొత్తం 8 శతకాలతో ఈ రంజీ ట్రోఫీ టోర్నమెంట్లో ఆడారు వి. వి. ఎస్. లక్ష్మణ్ మరియు ఈ శతకాలలో ఒక ట్రిపుల్ సెంచరీ కూడా ఉండటం విశేషం.
పునరాగమనం, మలుపు తిప్పిన ఆట
రంజీ ట్రోఫీ టోర్నమెంట్లో మంచి ప్రతిభని కనబరిచినందుకు భారత్ లో 2001 సంవత్సరంలో ఆస్ట్రేలియా జట్టుతో జరిగిన టెస్ట్ సిరీస్ కోసం వి. వి. ఎస్. లక్ష్మణ్ ఎంపిక అవ్వడం జరిగింది. మొదటి టెస్ట్ మ్యాచ్లో 20 & 12 పరుగులు తీయడం జరిగింది. ఈ మ్యాచ్ భారత జట్టు ఓడిపోయింది.
ఇక కోల్కత్త నగరంలో జరిగిన రెండవ టెస్ట్ మ్యాచ్ ఒక సంచలనం అని చెప్పొచ్చు. మొదట బ్యాటింగ్ చేసిన ఆస్ట్రేలియా 445 పరుగులు చేసి ఆల్ ఔట్ అవ్వగా ఆ తరువాత బ్యాటింగ్ చేసిన భారత జట్టు 171 పరుగులు చేసి ఆల్ ఔట్ అవ్వడం జరిగింది మరియు ఫాలో ఆన్ ఆడటం ప్రారంభించింది. భారత్ జట్టు ఆడిన మొదటి ఇన్నింగ్స్ లో మిగితా బ్యాటర్స్ విఫలం అవ్వగా వి. వి. ఎస్. లక్ష్మణ్ 59 పరుగులు చేయడం విశేషం.
ఇక ఫాలో ఆన్ ఆడుతూ రెండో ఇన్నింగ్స్ ప్రారంభించిన భారత జట్టు ఆదిలోనే ఓపెనర్స్ ఇద్దరినీ కోల్పోవడం జరిగింది. రెండవ ఇన్నింగ్స్లో మూడవ స్థానంలో వచ్చిన వి. వి. ఎస్. లక్ష్మణ్ నిలకడగా ఆడటం మొదలుపెట్టారు. ఒక పక్క వికెట్లు పడుతున్న జాగ్రత్తగా ఆడుతున్న వి. వి. ఎస్. లక్ష్మణ్ కి రాహుల్ ద్రావిడ్ జత కలవడం ఆ తరువాత వాళ్లిద్దరూ మంచి భాగస్వామ్యం నమోదు చేసి ఇద్దరు భారీ శతకాలు సాధించడం జరిగింది.
భారత అభిమానులందరూ ఓడిపోతుంది అనుకున్న మ్యాచ్ని భారీ స్కోర్ దిశగా తీసుకెళ్లారు రాహుల్ ద్రావిడ్ మరియు వి. వి. ఎస్. లక్ష్మణ్. 452 బంతుల్లో 281 పరుగులు చేశారు వి. వి. ఎస్. లక్ష్మణ్, అలాగే 353 బంతుల్లో 180 పరుగులు చేశారు రాహుల్ ద్రావిడ్. 657 పరుగులు చేసిన భారత జట్టు ఆస్ట్రేలియా జట్టు ముందు 384 పరుగులు విజయ లక్ష్యం పెట్టడం జరిగింది.
విజయ లక్ష్యానికి ఛేదించడానికి దిగిన ఆస్ట్రేలియా జట్టు 212 పరుగులు చేసి ఆల్ అవుట్ అవ్వడం జరిగింది. హర్భజన్ సింగ్, సచిన్ టెండూల్కర్ వేసిన బంతులకి చతికిల పడ్డారు ఆస్ట్రేలియా ఆటగాళ్లు. భారత్ ఫాలోఆన్ ఆడుతూ భారీ స్కోర్ సాధించి ఆస్ట్రేలియా మీద విజయం సాధించడం విశేషం. టెస్ట్ మ్యాచ్లో భారత్ సాధించిన విజయాలలో ఇది ఛాలా ప్రత్యేకమైనది మరియు చెప్పుకోదగినది.
టెస్ట్ మ్యాచ్ లో వరుసగా 16 విజయాలతో దూకుడు మీదున్న ఆస్ట్రేలియా జట్టుకి ఈ పరాజయంతో బ్రేక్ పడింది. అప్పటి వరకు భారత్ జట్టు తరుపున సునీల్ గవాస్కర్ చేసిన అత్యధిక వ్యక్తిగత పరుగులు 236 రికార్డుని వి. వి. ఎస్. లక్ష్మణ్ 281 పరుగులు చేసి కొత్త రికార్డు నమోదు చేశారు. 2004 సంవత్సరం వరకు ఇదే భారత టెస్ట్ క్రికెట్ లో ఒక ఆటగాడికి అత్యధిక వ్యక్తిగత స్కోర్ గా ఉండడం విశేషం.
సుస్థిర స్థానం
చెన్నై నగరంలో ఆస్ట్రేలియా జట్టుతో జరిగిన మూడవ టెస్ట్ మ్యాచ్లో 65 & 66 పరుగులు చేయడం విశేషం మరియు ఈ మ్యాచ్ మరియు సిరీస్ భారత్ జట్టు గెలవడం విశేషం. ఈ సిరీస్ నుండి భారత జట్టులో వి. వి. ఎస్. లక్ష్మణ్ స్థానం నిలబడింది.
ఇక చాలా విరామం తరువాత మళ్ళి అంతర్జాతీయ వన్డే మ్యాచ్లో ఆస్ట్రేలియా జట్టుతో పునరాగమనం చేసి 45, 51, 83, 11 మరియు 101 చేసి తన స్థానాన్ని వన్డే ఫార్మాటులో కూడా నిలుపుకున్నారు. ఇక తరువాతి సిరీస్ విషయానికి వస్తే జింబాబ్వే జట్టుతో పాటు మరి కొన్ని టెస్ట్ సిరీస్ అలాగే కొన్ని వన్డే మ్యాచ్లు ఆడిన వి. వి. ఎస్. లక్ష్మణ్ భారీ స్కోర్ చేయడంలో విఫలమయ్యారు.
జింబాబ్వే జట్టుతో జరిగిన ఐదు వన్డే సిరీస్లో 2 అర్ధ శతకాలు సాధించగా ఆ తరువాత వెస్టిండీస్ జట్టుతో జరిగిన 5 మ్యాచ్ టెస్ట్ సిరీస్ లో 69, 69 & 74, 1 & 43, 130, 65 & 23 పరుగులు చేయడం జరిగింది. ఇంగ్లాండ్, వెస్టిండీస్ జట్లతో జరిగిన టెస్ట్ మ్యాచ్ సిరీస్ మరియు వన్డే సిరీస్ లో కొన్ని పరుగులు రాబట్టారు వి. వి. ఎస్. లక్ష్మణ్.
2003 సంవత్సరంలో జరిగిన ప్రపంచకప్ టోర్నమెంట్లో వి. వి. ఎస్. లక్ష్మణ్ ఎంపిక అవ్వలేదు, ఎందుకంటే తను కొంచెం నెమ్మదిగా ఆడతారని, కానీ ఆ ప్రపంచకప్ భారత్ ఫైనల్ మ్యాచ్ ఓడిపోవడం ఆ తరువాత విమర్శకులందరు భారత సెలక్షన్ కమిటీని విమర్శించడం జరిగింది. 2003 సంవత్సరంలో న్యూజిలాండ్ జట్టుతో జరిగిన టెస్ట్ సిరీస్ 64 & 44 మరియు 104 & 67 పరుగులు సాధించారు.
వచ్చిన ప్రతి అవకాశాన్ని సద్వినియోగం చేసుకుంటూ అటు టెస్ట్ ఫార్మటు మరియు వన్డే ఫార్మటులో పరుగులు సాధిస్తూ ఎంతో మంది యువ ఆటగాళ్లకు స్ఫూర్తిగా నిలిచారు.
అంతర్జాతీయ క్రికెట్ వీడ్కోలు
2006 సంవత్సరంలో దక్షిణాఫ్రికా జట్టుతో జరిగిన ఆఖరి వన్డే మ్యాచ్లో 0 పరుగు చేసి అంతర్జాతీయ వన్డే క్రికెట్ నుండి వీడ్కోలు పలికారు వి. వి. ఎస్. లక్ష్మణ్. వన్డే ఫార్మటు నుండి వీడ్కోలు పలికినా కూడా టెస్ట్ ఫార్మాటులో కొనసాగారు వి. వి. ఎస్. లక్ష్మణ్. 2006 సంవత్సరం చివరిలో దక్షిణాఫ్రికా జట్టుతో జరిగిన టెస్ట్ సిరీస్ లో 28 & 73, 50 & 15 మరియు 13 & 1 పరుగులు చేశారు.
ఇంగ్లాండ్ జట్టుతో 2007 సంవత్సరంలో జరిగిన టెస్ట్ సిరీస్ లో 15 & 39, 54 మరియు 51 & 46 పరుగులు చేశారు. పాకిస్తాన్ జట్టుతో 72 & 6*, 112 మరియు 5 & 14 పరుగులు చేశారు. ఆస్ట్రేలియా జట్టుతో 26 & 42, 109 & 20, 27 & 79 మరియు 51 & 12 పరుగులు చేశారు. 2008 సంవత్సరంలో దక్షిణాఫ్రికా జట్టుతో 39, 3 & 35 మరియు 50 పరుగులు చేశారు.
2012 సంవత్సరం వరకు కొన్ని మంచి స్కోర్లు తన ఖాతాలో వేసుకున్నారు వి. వి. ఎస్. లక్ష్మణ్. 2011 – 2012 సంవత్సరంలో ఆస్ట్రేలియా జట్టుతో జరిగిన టెస్ట్ సిరీస్ లో నాలుగు మ్యాచ్లు ఆడి 155 పరుగులు చేసి అభిమానులని నిరాశపరిచారు. ఆ తరువాత న్యూజిలాండ్ జట్టుతో జరిగే సిరీస్ కోసం ఎంపిక చేసిన దానిని తిరస్కరించి టెస్ట్ ఫార్మటుకు వీడ్కోలు పలికారు.
గణాంకాలు
టెస్ట్ క్రికెట్: అంతర్జాతీయ టెస్ట్ క్రికెట్ ఫార్మాటులో వి. వి. ఎస్. లక్ష్మణ్ మొత్తం 134 టెస్ట్ మ్యాచ్లు ఆడి 45.97 సగటుతో 8,781 పరుగులు చేశారు మరియు 17 శతకాలు, 56 అర్ధ శతకాలు సాధించారు. తన అత్యధిక స్కోర్ వచ్చేసి 281మరియు 135 క్యాచ్లు అందుకున్నారు. ఇక బౌలింగ్ విషయానికి వస్తే 324 బంతులు వేసి 63.00 సగటుతో 2 వికెట్లు పడగొట్టారు మరియు అత్త్యుత్తమ బౌలింగ్ వచ్చేసి 1/2.
వన్డే క్రికెట్: అంతర్జాతీయ వన్డే క్రికెట్ ఫార్మాటులో వి. వి. ఎస్. లక్ష్మణ్ మొత్తం 86 వన్డే మ్యాచ్లు ఆడి 30.76 సగటుతో 2,338 పరుగులు చేశారు మరియు 6 శతకాలు, 10 అర్ధ శతకాలు సాధించారు. తన అత్యధిక స్కోర్ వచ్చేసి 131 మరియు 39 క్యాచ్లు అందుకున్నారు. ఇక బౌలింగ్ విషయానికి వస్తే 42 బంతులు వేసి కూడా ఒక్క వికెట్ పడగొట్టలేదు.
ఫస్ట్ క్లాస్ క్రికెట్: ఫస్ట్ క్లాస్ క్రికెట్ ఫార్మాటులో వి. వి. ఎస్. లక్ష్మణ్ మొత్తం 267 మ్యాచ్లు ఆడి 51.64 సగటుతో 19,730 పరుగులు చేశారు మరియు 55 శతకాలు, 98 అర్ధ శతకాలు సాధించారు. తన అత్యధిక స్కోర్ వచ్చేసి 353 మరియు 277 క్యాచ్లు అందుకుని ఒక స్టంపింగ్ చేయడం జరిగింది. ఇక బౌలింగ్ విషయానికి వస్తే 1,835 బంతులు వేసి 34.27 సగటుతో 22 వికెట్లు పడగొట్టారు మరియు అత్త్యుత్తమ బౌలింగ్ వచ్చేసి 3/11.
లిస్ట్ ఏ క్రికెట్: లిస్ట్ ఏ క్రికెట్ ఫార్మాటులో వి. వి. ఎస్. లక్ష్మణ్ మొత్తం 173 మ్యాచ్లు ఆడి 34.54 సగటుతో 5,078 పరుగులు చేశారు మరియు 9 శతకాలు, 28 అర్ధ శతకాలు సాధించారు. తన అత్యధిక స్కోర్ వచ్చేసి 153 మరియు 74 క్యాచ్లు అందుకున్నారు. ఇక బౌలింగ్ విషయానికి వస్తే 698 బంతులు వేసి 68.50 సగటుతో 8 వికెట్లు పడగొట్టారు మరియు అత్త్యుత్తమ బౌలింగ్ వచ్చేసి 2/42.
ఇండియన్ ప్రీమియర్ లీగ్
2008 సంవత్సరంలో ఇండియన్ ప్రీమియర్ లీగ్ మొదలవడంతో డెక్కన్ ఛార్జర్స్ హైదరాబాద్ జట్టుకి వి. వి. ఎస్. లక్ష్మణ్ ఐకాన్ ఆటగాడిగా మరియు జట్టుకి సారధిగా నియమించడం జరిగింది. 6 మ్యాచ్లు జరిగిన తరువాత గాయంతో టోర్నమెంట్ నుండు వైదొలిగారు వి. వి. ఎస్. లక్ష్మణ్. ఆ తరువాత ఐపీఎల్ టోర్నమెంట్లో ఆస్ట్రేలియా ఆటగాడు ఆడమ్ గిల్క్రిస్ట్ సారధిగా వ్యవహరిచారు.
2009 – 2010 సంవత్సరం ఇండియన్ ప్రీమియర్ లీగ్ సీజన్లలో కేవలం ఆటగాడిగా మాత్రమే పాల్గొన్నారు వి. వి. ఎస్. లక్ష్మణ్. 2011 సంవత్సరంలో జరిగిన ఐపీఎల్ వేలంపాటలో వి. వి. ఎస్. లక్ష్మణ్ని కొచ్చి టస్కర్ కేరళ జట్టు కొనుగోలు చేయడం జరిగింది. ఆ సీజన్లో పెద్దగా ప్రభావం చూపించలేకపోయారు వి. వి. ఎస్. లక్ష్మణ్.
2012 సంవత్సరం కొచ్చి జట్టు ఐపీఎల్ నుండి పూర్తిగా నిష్క్రమించడంతో మళ్ళీ వేలంపాటలో వచ్చారు వి. వి. ఎస్. లక్ష్మణ్, కానీ ఈసారి ఏ జట్టు కూడా కొనుగోలు చేయలేదు. ఆ తరువాత 2013 ఐపీఎల్ సీజన్లో సన్ రైజర్స్ హైదరాబాద్ జట్టుకి మెంటర్ పాత్రలో వ్యవహరించారు వి. వి. ఎస్. లక్ష్మణ్.
ఐపీఎల్, ఛాంపియన్స్ లీగ్ గణాంకాలు
ఇండియన్ ప్రీమియర్ లీగ్ టోర్నమెంట్లో రెండు జట్లకు ఆడిన వి. వి. ఎస్. లక్ష్మణ్ మొత్తం 20 మ్యాచ్లు ఆడి 15.66 సగటుతో 282 పరుగులు చేశారు మరియు అత్యధిక స్కోర్ వచ్చేసి 52 అంతేకాకుండా ఒక అర్ధ శతకం ఉండటం విశేషం. ఇక ఛాంపియన్స్ లీగ్ టోర్నమెంట్లో డెక్కన్ ఛార్జర్స్ హైదరాబాద్ జట్టు తరుపున ఆడిన వి. వి. ఎస్. లక్ష్మణ్ మొత్తం 2 మ్యాచ్లు ఆడి 25.00 సగటుతో 50 పరుగులు సాధించారు మరియు అత్యధిక స్కోర్ వచ్చేసి 46.
త్రిసభ్య కమిటీ
బి.సి.సి.ఐ మాజీ అధ్యక్షుడు జగ్మోహన్ దాల్మియా మరియు సెక్రెటరీ అనురాగ్ ఠాకూర్ కలిసి స్థాపించిన క్రికెట్ సలహా కమిటీలో వి. వి. ఎస్. లక్ష్మణ్, సచిన్ టెండూల్కర్ మరియు సౌరవ్ గంగూలీ సభ్యులుగా ఉండడం జరిగింది. ఈ కమిటీలో భారత క్రికెట్ బోర్డులో ఉన్న సమస్యల్ని పరిష్కరించడానికి ఈ కమిటీ నెలకొల్పడం జరిగింది.
కొన్ని విషయాలు
కుడి చేతి బ్యాటర్ మరియు కుడి చేతి ఆఫ్ స్పిన్ బౌలర్ పాత్రలో భారత క్రికెట్ జట్టులో తన స్థానాన్ని పదిలం చేసుకున్నారు వి. వి. ఎస్. లక్ష్మణ్. ఏ స్థానంలో బ్యాటింగ్ చేయమన్న కూడా ఒక్క మాట ఎదురు చెప్పకుండా బ్యాటింగ్ చేసే గొప్ప ఆటగాడు వి. వి. ఎస్. లక్ష్మణ్. 100 టెస్ట్ మ్యాచ్లు మరియు కొన్ని వన్డే మ్యాచ్లు ఆడిన కూడా ప్రపంచకప్ లో మాత్రం జట్టులో స్థానం సంపాదించకపోవడం బాధాకరం. ఇంగ్లాండ్ దేశంలో ఉన్న లాంఛషెర్ జట్టు తరుపున కొన్ని కౌంటీ క్రికెట్ మ్యాచ్లు ఆడారు వి. వి. ఎస్. లక్ష్మణ్.
281 అండ్ బియాండ్ పేరుతొ ఆత్మకధ రాశారు వి. వి. ఎస్. లక్ష్మణ్. ఈ పుస్తకంలో ఎలాంటి వివాదాలు గురించి రాయకుండా కేవలం క్రికెట్ ప్రపంచంలో అడుగుపెట్టినప్పటి నుంచి వీడ్కోలు పలికిన క్షణాలతో పాటు, క్రికెట్ తరువాతి జీవితం మరియు కుటుంబ సభ్యుల గురించి ఈ పుస్తకంలో మనం చదవొచ్చు. ఈ పుస్తకం కొనుగోలు చేయాలంటే కింద ఉన్న లింక్ క్లిక్ చేయండి.
ఇంగ్లీష్ భాషలో కొనుక్కుని చదవాలంటే ఇక్కడ క్లిక్ చేయండి https://amzn.to/41bX0qk
హిందీ భాషలో కొనుక్కుని చదవాలంటే ఇక్కడ క్లిక్ చేయండి https://amzn.to/4gAriao
మరికొన్ని విశేషాలు
- విషన్ 2020 ప్రాజెక్ట్ పేరుతొ బెంగాల్ క్రికెట్ అసోసియేషన్ సభ్యులకు బ్యాటింగ్ కన్సల్టెంట్ గా నియమింపబడ్డారు.
- 2011 సంవత్సరంలో పద్మశ్రీ పురస్కారం లభించింది.
- 2001 సంవత్సరంలో అర్జున పురస్కారం అందుకున్నారు.
- వంద టెస్ట్ మ్యాచ్లు ఆడిన భారత క్రికెట్ ఆటగాళ్లలో వి. వి. ఎస్. లక్ష్మణ్ ఒకరు.
- 2002 సంవత్సరంలో విస్డెన్ క్రికెటర్ అఫ్ ది ఇయర్ పురాస్కారాన్ని అందుకున్నారు.
- 2003 సంవత్సరంలో ప్రముఖ నటుడు “విక్టరీ” వెంకటేష్ నటించిన వసంతం చిత్రంలో క్రికెట్ కోచ్ పాత్రలో కాసేపు కనిపించి అలరించారు.
- 2015 సంవత్సరం ఫిబ్రవరి 4న న్యూ ఢిల్లీ నగరంలో టెరి విశ్వవిద్యాలయం నుంచి గౌరవ డాక్టరేట్ పట్టా పొందడం జరిగింది.
- 2022 సంవత్సరంలో ఐసీసీ హాల్ అఫ్ ఫేమ్ లో చోటు దక్కించుకున్నారు.
- “గాడ్ అఫ్ 4th ఇన్నింగ్స్” పేరుతొ వి. వి. ఎస్. లక్ష్మణ్ ని సరదాగా పిలుస్తారు.
వ్యక్తిగతం
అప్పటి ఆంధ్ర ప్రదేశ్ రాష్ట్రం, హైదరాబాద్ నగరంలో 1974 సంవత్సరం, నవంబర్ 1న శాంతారాం, సత్యభామ దంపతులకు జన్మించారు వి. వి. ఎస్. లక్ష్మణ్. తన తల్లిదండ్రులు స్వతహాగా వైద్య వృత్తిలో ఉండటం వల్ల తమ కుమారుడిని కూడా అదే వృత్తిలో కొనసాగేలా చూసారు కానీ వి. వి. ఎస్. లక్ష్మణ్ క్రికెట్ ఆట ఎంపిక చేసుకోవడంతో అటు వైపు ప్రోత్సహించారు వి. వి. ఎస్. లక్ష్మణ్ తల్లిదండ్రులు.
వి. వి. ఎస్. లక్ష్మణ్ చదువంతా హైదరాబాద్ నగరంలో కొనసాగింది. 2004 సంవత్సరంలో శైలజ అనే వ్యక్తితో వి. వి. ఎస్. లక్ష్మణ్ వివాహం జరిగింది మరియు వారికి ఇద్దరు పిల్లలు.
వి. వి. ఎస్. లక్ష్మణ్ భారత క్రికెట్ కు అందించిన సేవలు ఎప్పటికి గుర్తుండిపోతాయి. అతను ఒక గొప్ప బ్యాట్స్‌మెన్ మాత్రమే కాదు, ఒక మంచి వ్యక్తి కూడా. అతని వినయం, అతని ప్రశాంతమైన స్వభావం అందరికీ ఆదర్శం. లక్ష్మణ్ లాంటి ఆటగాళ్లు భారత క్రికెట్‌కు ఎప్పటికీ గర్వకారణం. అతను కళాత్మక క్రికెట్‌కు ప్రతిరూపం.
వి. వి. ఎస్. లక్ష్మణ్ లాంటి ఆటగాళ్ళని స్ఫూర్తి పొంది ఇంకా ఎంతోమంది తెలుగు నెల నుంచి తెలుగు క్రీడాకారులు క్రికెట్ క్రీడలో మాత్రమే కాకుండా మిగిలిన క్రీడలలో కూడా రాణించాలని కోరుకుందాం.