బాక్గ్రౌండ్ లేకుండా తెలుగు సినీ పరిశ్రమలోకి అడుగుపెట్టి లవర్ బాయ్ పాత్రలతో ప్రేక్షకులని ఆకట్టుకుని జయాపజయాలతో సంభందం లేకుండా వచ్చిన ప్రతి అవకాశాన్ని సద్వినియోగం చేసుకుంటు ముందుకెళ్తున్న నటుడు నితిన్ గురించి తెలుసుకుందాం.
సినీ ప్రస్థానం
తేజ దర్శక నిర్మాతగా చిత్రం మూవీస్ బ్యానర్ మీద నితిన్, సదా కలిసి నటించిన జయం చిత్రం భారీ విజయం సాధించింది. ఈ చిత్రంలో గోపీచంద్ ప్రతినాయకుడిగా నటించడం జరిగింది మరియు తన పాత్రకి, నటనకి ప్రశంసలు రావడం విశేషం.
ఆర్. పి. పట్నాయక్ సంగీతం అందించిన ఈ చిత్రంలో పాటలన్ని ప్రేక్షకులను అలరించాయి. జయం చిత్రంలో “రాను రాను అంటూనే చిన్నదో” పాటతో పాటు మరికొన్ని పాటలు ఇప్పటికి ప్రేక్షకులకు అలరిస్తూ ఉంటాయి మరియు ఈ చిత్రంతో హాస్య నటులు సుమంత్ శెట్టి తెలుగు సినీ పరిశ్రమతో పాటు తమిళ సినీ పరిశ్రమకి కూడా పరిచయం అవ్వడం విశేషం.
జయం చిత్రాన్ని తమిళ భాషలో అదే పేరుతొ రీమేక్ చేయడంతో అక్కడ కూడా నటించారు సుమంత్ శెట్టి. జయం చిత్రానికి ఎన్నో పురస్కారాలు లభించడం జరిగింది. వి. వి. వినాయక్ దర్శకత్వంలో దిల్ రాజు నిర్మాణంలో నితిన్, నేహా కలిసి నటించిన దిల్ చిత్రం భారీ విజయం సాధించింది. ఆర్. పి. పట్నాయక్ అందించిన సంగీతంతో పాటు ఈ చిత్రంలోని పాటలు విజయం సాధించాయి.
ప్రకాష్ రాజ్ ప్రతినాయకుడి పాత్ర పోషించిన ఈ చిత్రంలో రాజన్ పి. దేవ్ మరో ముఖ్యమైన పాత్రలో నటించి ప్రేక్షకులను అలరించారు. ఈ చిత్రంలో నితిన్ మేన మామ పాత్ర పోషించిన హాస్య నటులు వేణుమాధవ్ తన హాస్యంతో ప్రేక్షకులను కడుపుబ్బా నవ్వించడం జరిగింది. ఒక సన్నివేశంలో బఱ్ఱె వేణుమాధవ్ ని ఈడ్చుకెళ్లడం ప్రేక్షకులను ఆశ్చర్యపరుస్తుంది.
ఈ చిత్రంలో నేపధ్య గాయకులయిన ఎస్. పి. బాలసుబ్రమణ్యం, ఉష పాడిన “అమ్మ ఆవు ఇల్లు ఈగ” పాట జనాదరణ పొందడమే కాకుండా మళ్ళి మళ్ళి వినాలనిపించేలా పాడారు గాయకులిద్దరు. నిర్మాతగా దిల్ రాజుకి ఈ చిత్రం మొదటి చిత్రం కావడం విశేషం. తమిళ్, కన్నడ, ఒడియా, బెంగాలీ మరియు బాంగ్లాదేశ్ భాషల్లో ఈ చిత్రాన్ని రీమేక్ చేయడం జరిగింది.
వరుస చిత్రాలు
కొండపల్లి దశరథ్ దర్శకత్వంలో తేజ నిర్మాణంలో నితిన్, నికిత కలిసి నటించిన సంబరం చిత్రం ప్రేక్షకులను నిరాశపరిచింది. అల్లరి చిల్లరగా తిరిగే కుర్రాడు తన స్నేహితురాలిని పెళ్లి చేసుకోవాలి అనుకోవడం, స్నేహితురాలు నిరాకరించడం అది తెలుసుకుని కష్టపడి పని చేసి ఆ స్నేహితురాలిని ఎలా పెళ్లి చేసుకున్నాడో అనేదే ఈ చిత్రం.
ఆర్. పి. పట్నాయక్ అందించిన సంగీతం పరవాలేదనిపించిన “పట్టుదలతో చేస్తే సమరం” పాట ప్రేక్షకులను అలరిస్తుంది. కృష్ణవంశీ దర్శక నిర్మాతగా మారి తీసిన చిత్రం శ్రీ ఆంజనేయులు. నితిన్, ఛార్మి కలిసి నటించిన ఈ చిత్రంలో హనుమంతుడి భక్తుడి పాత్రలో నితిన్ కనిపిస్తే, ప్రముఖ నటులు యాక్షన్ కింగ్ అర్జున్ హనుమంతుడి పాత్రలో నటించడం విశేషం.
శ్రీ ఆంజనేయం చిత్రానికి మణిశర్మ అందించిన సంగీతం అలరించింది. ఎస్. ఎస్. రాజమౌళి దర్శకత్వంలో నితిన్, శశాంక్, జెనీలియా డి. సౌజ కలిసి నటించిన యూత్ఫుల్ చిత్రం సై. రగ్బీ ఆట నేపధ్యం మీద తీసిన ఈ చిత్రం భారీ విజయం సాధించింది. ఒక కళాశాలలో రెండు గ్రూపులు గా విడిపోయి వాళ్ళు ఆడే ఆటలు, వాళ్ళ మధ్య జరిగే గొడవలు, అల్లర్లు నేపధ్యం మీద ఈ చిత్రం చిత్రీకరించడం జరిగింది మరియు ఈ చిత్రానికి ఎన్నో పురస్కారాలు లభించాయి.
రగ్బీ ఆట కోసం నటీనటులందరూ రెండు నెలలు నిజంగా ట్రైనింగ్ తీసుకోవడం జరిగింది. ఈ చిత్రంలో ప్రతినాయకుడిగా ప్రదీప్ సింగ్ రావత్ తెలుగు సినిమాకి పరిచయం అయ్యారు మరియు ఈ చిత్రంలో తన నటనతో అందరిని భయపెట్టారు. ఎం. ఎం. కీరవాణి అందించిన సంగీతం ప్రేక్షకులని అలరించింది.
వరుస పరాజయాలు
దర్శకేంద్రుడు కె. రాఘవేంద్రరావు దర్శకత్వంలో నితిన్, త్రిష, రతి కలిసి నటించిన అల్లరి బుల్లోడు చిత్రం నిరాశపరిచింది. మొదటి సారి ఈ చిత్రంలో నితిన్ ద్విపాత్రాభినయంలో నటించడం జరిగింది మరియు ఈ చిత్రానికి సంగీతం ఎం. ఎం. కీరవాణి అందించారు. తేజ దర్శకత్వంలో నితిన్, రైమా సేన్, తనికెళ్ళ భరణి కలిసి నటించిన ధైర్యం చిత్రం విజయం సాధించలేదు మరియు ఈ చిత్రానికి అనూప్ రూబెన్స్ సంగీతం అందించారు.
ఎన్. శంకర్ దర్శకత్వంలో నితిన్, జెనీలియా డి. సౌజ కలిసి నటించిన రామ్ చిత్రం నిరాశపరిచింది. ఈ చిత్రంలో ప్రముఖ నటులు “రెబెల్ స్టార్” కృష్ణంరాజు ప్రత్యేక పాత్రలో నటించడం విశేషం. యువన్ శంకర్ రాజా అందించిన సంగీతం పరవాలేదనిపించింది. నృత్య దర్శకులు అమ్మ రాజశేఖర్ దర్శకత్వంలో నితిన్, సద కలిసి నటించిన టక్కరి చిత్రం పరవాలేదనిపించింది మరియు ఈ చిత్రానికి చక్రి సంగీతం అందించారు.
ఏ. ఎస్. రవికుమార్ చౌదరి దర్శకత్వంలో నితిన్, కాజల్ అగర్వాల్ నటించిన ఆటాడిస్తా చిత్రం పరవాలేదనిపించింది. నాగబాబు, జయసుధ, రఘువరన్ నటించిన ఈ చిత్రానికి చక్రి సంగీతం అందించారు. ప్రతినాయకుడు శివప్రసాద్ పోషించిన పాత్ర ఆకట్టుకోవడం విశేషం. రవి కుమార్ చావాలి దర్శకత్వంలో నితిన్, మమతా మోహన్దాస్ సింధు తులాని, శశాంక్ కలిసి నటించిన విక్టరీ చిత్రం ప్రేక్షకులను నిరాశపరిచింది.
ఈ చిత్రానికి నితిన్ ఆరు పలకల దేహం (సిచ్ ప్యాక్ ) తో కనిపించడం విశేషం మరియు చక్రి సంగీతం అందించారు. ప్రతినాయకుడి పత్రాలు పోషించే జీవి సుధాకర్ నాయుడు మొదటిసారి దర్శకత్వం వహించిన చిత్రం హీరో. నితిన్, భావన, రమ్యకృష్ణ, నాగబాబు కలిసి నటించిన ఈ చిత్రానికి మణిశర్మ సంగీతం అందించారు మరియు ఈ చిత్రం ప్రేక్షకులని ఆకట్టుకోలేదు.
మరికొన్ని చిత్రాలు
జె. అరుణ్ కుమార్ దర్శకత్వంలో నితిన్, ప్రియమణి, సునీల్ కలిసి నటించిన ద్రోణ చిత్రం నిరాశపరిచింది మరియు ఈ చిత్రానికి అనూప్ రూబెన్స్ సంగీతం అందించారు. రామ్ గోపాల్ వర్మ దర్శకత్వంలో నితిన్ నటించిన హిందీ చిత్రం అగ్యాత్. ప్రియాంక కొఠారి, గౌతమ్ రోడే, రసిక దుగల్ కలిసి నటించిన ఈ చిత్రం పరవాలేదనిపించింది. అడవి పేరుతొ ఈ చిత్రం తెలుగులో విడుదల చేయడం జరిగింది.
పరచూరి మురళి దర్శకత్వంలో నితిన్, ఇలియానా, సునీల్ కలిసి నటించిన రెచ్చిపో చిత్రం ప్రేక్షకులని ఆకట్టుకోలేదు మరియు ఈ చిత్రంలో భానుచందర్ ప్రత్యేక పాత్రలో నటించడం విశేషం. ఈ చిత్రానికి మణిశర్మ సంగీతం అందించారు. ఈశ్వర్ దర్శకత్వంలో నితిన్, హన్సిక కలిసి నటించిన సీతారాముల కళ్యాణం లంకలో చిత్రం ఆకట్టుకోలేదు మరియు అనూప్ రూబెన్స్ ఈ చిత్రానికి సంగీతం అందించారు.
మలయాళ చిత్ర దర్శకులు సిద్దిఖ్ దర్శకత్వంలో నితిన్, మీరా చోప్రా కలిసి నటించిన మారో చిత్రం ప్రేక్షకులను నిరాశపరిచింది. ఈ చిత్రంలో అబ్బాస్ ప్రత్యేకపాత్రలో నటించడం విశేషం. మణిశర్మ ఈ చిత్రానికి సంగీతం అందించారు మరియు ఒక పాటలో మెరుస్తారు మణిశర్మ. సత్యం శివమ్ సుందరం పేరుతొ చిత్రీకరణ జరుపుకున్న మారో చిత్రం ఆ తరువాత దర్శకుడు మారడం వల్ల మారో పేరుతొ విడుదలైంది.
వరుస విజయాలు
విక్రమ్ కుమార్ దర్శకత్వంలో ఎన్ సుధాకర్ గౌడ్, విక్రమ్ గౌడ్ కలిసి నిర్మించిన ఇష్క్ చిత్రం భారీ విజయం సాధించింది. అజయ్, సత్య కృష్ణ ,సింధు తులాని ప్రత్యేక పాత్రలో నటించిన ఈ చిత్రానికి అనూప్ రూబెన్స్ సంగీతం అందించారు. అప్పటివరకు వరుస పరాజయాలతో సతమతమవుతున్న నితిన్ కి ఈ చిత్రం విజయాన్ని అందించింది. ఈ చిత్రంలో అన్ని పాటలు ప్రేక్షకులను అలరించాయి ముఖ్యంగా లచ్చమ్మ అనే పాట నితిన్ పాడటం విశేషం.
ఇష్క్ చిత్రంలో నితిన్, నిత్యా మీనన్ నటన ప్రేక్షకులను ఆకట్టుకుంది మరియు చాల రోజుల తరువాత ఒక మంచి చిత్రాన్ని ప్రేక్షకులకు అందించారు నితిన్. ఈ చిత్రానికి నంది పురస్కారాలు రావడం విశేషం. విజయ్ కుమార్ కొండా దర్శకత్వంలో నితిన్, నిత్యా మీనన్ కలిసి నటించిన రెండవ చిత్రం గుండెజారి గల్లంతయ్యిందే. నితిన్ సోదరి నికిత రెడ్డి, విక్రమ్ గౌడ్ కలిసి నిర్మించిన ఈ చిత్రం ప్రేక్షకుల ఆదరణ పొందడం విశేషం.
ఇషా తల్వార్ మరో కథానాయికగా నటించిన ఈ చిత్రంలో మధునందన్ నితిన్ స్నేహితుడి పాత్రలో నటించారు. ఒకరనుకొని ఇంకొకరిని ప్రేమించే పాత్రలో నితిన్ అద్భుతంగా నటించారు. అనూప్ రూబెన్స్ అందించిన సంగీతం ప్రేక్షకులని అలరిస్తుంది. ఈ చిత్రంలో ప్రతి పాట ప్రజాదరణ పొందడం విశేషం మరియు పవన్ కళ్యాణ్ నటించిన తొలిప్రేమ చిత్రంలోని “ఏమైందో ఏమో ఈ వేళ” పాటను ఈ చిత్రంలో చిత్రీకరించడం జరిగింది.
గుండెజారీ గల్లంతయ్యిందే చిత్రంలో కూడా నితిన్ “డింగ్ డింగ్ డింగ్” అనే పాట పాడి అలరించారు మరియు ఈ పాటలో బ్యాట్మింటన్ క్రీడాకారిణి జ్వాలా గుత్తా ఆలా కాసేపు మెరుస్తారు. పూరి జగన్నాధ్ దర్శకత్వంలో నితిన్, అదా శర్మ కలిసి నటించిన హార్ట్ ఎటాక్ చిత్రం ఘన విజయం సాధించింది. అనూప్ రూబెన్స్ అందించిన సంగీతం ప్రేక్షకులను అలరించింది.
ఏ. కరుణాకరన్ దర్శకత్వంలో నితిన్ తండ్రి ఎన్. సుధాకర్ రెడ్డ్, సోదరి నికిత రెడ్డి కలిసి నిర్మించిన చిత్రం చిన్నదానా నీకోసం. నితిన్, మిస్తీ కలిసి నటించిన ఈ చిత్రానికి అనూప్ రూబెన్స్ సంగీతం అందించారు. ఈ చిత్రం పరవాలేదనిపించింది. ప్రేమసాయి దర్శకత్వంలో నితిన్, యామి గౌతమ్ కలిసి నటించిన కొరియర్ బాయ్ కళ్యాణ్ చిత్రం నిరాశపరిచింది. గాయకుడు కార్తీక్ ఈ చిత్రానికి సంగీతం అందించడం విశేషం.
మరికొన్ని చిత్రాలు
త్రివిక్రమ్ శ్రీనివాస్ దర్శకత్వంలో ఎస్. రాధాకృష్ణ నిర్మాణంలో నితిన్, సమంత, అనుపమ పరమేశ్వరన్, అనన్య, శ్రీనివాస్ అవసరాల, నరేష్, రావు రమేష్, నదియా కలిసి నటించిన చిత్రం అ ఆ. యద్దనపూడి సులోచనారాణి రాసిన నవల ఆధారంగా రూపొందించిన ఈ చిత్రం ఘన విజయం సాధించింది. మిక్కీ జె మేయర్ అందించిన సంగీతం ప్రేక్షకులను అలరించడంతో పాటు ఈ చిత్రంలోని పాటలు ఇప్పటికి ప్రేక్షకులను అలరించాయి.
హను రాఘవపూడి దర్శకత్వంలో నితిన్, మేఘ ఆకాష్ కలిసి నటించిన లై చిత్రం ప్రేక్షకులను నిరాశపరిచింది మరియు ఈ చిత్రంలో ప్రముఖ నటులు యాక్షన్ కింగ్ అర్జున్ ప్రత్యేక పాత్రలో నటించారు. కృష్ణ చైతన్య దర్శకత్వంలో నితిన్, మేఘ ఆకాష్ కలిసి నటించిన రెండవ చిత్రం చల్ మోహన రంగా. నితిన్ తండ్రి ఎన్. సుధాకర్ రెడ్డి, పవన్ కళ్యాణ్, త్రివిక్రమ్ శ్రీనివాస్ కలిసి నిర్మించిన ఈ చిత్రానికి ఎస్. ఎస్. థమన్ సంగీతం అందించారు.
సతీష్ వేగ్నేశ దర్శకత్వంలో దిల్ రాజు నిర్మించిన శ్రీనివాస కళ్యాణం చిత్రంలో నితిన్, రాశి ఖన్నా, నందిత శ్వేత కలిసి నటించిన ఈ చిత్రం అపజయాన్ని చూసింది. జయసుధ, రాజేంద్ర ప్రసాద్, నరేష్, ఆమని, ప్రకాష్ రాజ్, పూనమ్ కౌర్ నటించిన ఈ చిత్రం భారీ అంచనాలతో విడుదలై నిరాశపరిచింది. మిక్కీ జె. మేయర్ అందించిన సంగీతం పరవాలేదనిపించింది. ఈ చిత్రంలో “కళ్యాణం వైభోగం” పాట ప్రేక్షకుల ఆదరణ పొందడం విశేషం.
మరికొన్ని చిత్రాలు
వెంకీ కుడుములు దర్శకత్వంలో నితిన్, రష్మిక మందన్న కలిసి నటించిన భీష్మ చిత్రం విజయం సాధించింది. కన్నడ నటులు అనంత్ నాగ్ ప్రతీక పాత్రలో నటించిన ఈ చిత్రానికి సూర్యదేవర నాగ వంశీ నిర్మించగా మహతి స్వర సాగర్ సంగీతం అందించారు. హాస్య భరితమైన చిత్రంగా విడుదలైన ఈ చిత్రం ప్రేక్షకులను అలరించింది.
చంద్రశేఖర్ ఏలేటి దర్శకత్వంలో నితిన్, రకుల్ ప్రీత్ సింగ్, ప్రియా ప్రకాష్ వారియర్, సిమ్రాన్ చౌదరి కలిసి నటించిన చెక్ చిత్రం నిరాశపరిచింది. ఈ చిత్రానికి కళ్యాణి మాలిక్ సంగీతం అందించారు. వెంకీ అట్లూరి దర్శకత్వంలో సూర్య దేవర నాగవంశీ నిర్మాణంలో నితిన్, కీర్తి సురేష్ కలిసి నటించిన రంగ్ దే. ఈ చిత్రంలో తమిళ నటుడు వినీత్ ప్రత్యేక పాత్రలో నటించారు.
దేవి శ్రీ ప్రసాద్ అందించిన సంగీతం అలరించింది మరియు ఈ చిత్రం ప్రేక్షకులని నిరాశపరిచింది. ఈ చిత్రంలో గాయని మంగ్లీ పాడిన “ఊరంతా వెన్నెల” అనే పాట జనాదరణ పొందడం విశేషం. మేర్లపాక గాంధీ దర్శకత్వంలో నితిన్, తమన్నా, నాభ నటేష్ కలిసి నటించిన మాస్ట్రో చిత్రం ప్రేక్షకులను నిరాశపరిచింది.హిందీ చిత్రం అంధధూన్ చిత్రానికి రీమేక్ గా వచ్చిన ఈ చిత్రానికి మహతి స్వర సాగర్ సంగీతం అందించారు.
వక్కంతం వంశీ దర్శకత్వంలో నితిన్, శ్రీలీల కలిసి నటించిన ఎక్సరే ఆర్డినరీమెన్ చిత్రం నిరాశపరిచింది. నటులు రాజాశేఖర్ ప్రత్యేకపరలో నటించిన ఈ చిత్రానికి హర్రీస్ జయరాజ్ సంగీతం అందించారు.
వ్యక్తిగతం
1983 సంవత్సరం, మార్చ్ 30న నిజామాబాద్ నగరంలో ఎన్. సుధాకర్ రెడ్డి, లక్ష్మి రెడ్డి దంపతులకి జన్మించారు నితిన్. నికిత రెడ్డి అనే సోదరి ఉన్నారు మరియు నితిన్ చదువంతా హైదరాబాద్ నగరంలో కొనసాగింది. షాలిని కందుకూరి అనే యువతిని ప్రేమ వివాహం చేసుకున్నారు నితిన్. అక్కినేని అఖిల్ నటించిన అఖిల్ చిత్రానికి నిర్మాతగా వ్యవహరించారు నితిన్ మరియు ఈ చిత్రానికి వి. వి. వినాయక్ దర్శకత్వం వహించారు. గద్దలకొండ గణేష్ చిత్రంలో అతిధి పాత్రలో నటించారు నితిన్.
నితిన్ నటించిన చిత్రాల గురించి తెలుసుకుందాం
- జయం
- దిల్
- సంబరం
- శ్రీ ఆంజనేయం
- సై
- అల్లరిబుల్లోడు
- ధైర్యం
- రామ్
- టక్కరి
- ఆటాడిస్తా
- విక్టరీ
- హీరో
- ద్రోణ
- అగ్యాత్ (హిందీ)
- రెచ్చిపో
- సీత రాముల కళ్యాణం లంకలో
- మారో
- ఇష్క్
- గుండెజారి గల్లంతయ్యిందే
- హార్ట్ ఎటాక్
- చిన్నదానా నీకోసం
- కొరియర్ బాయ్ కళ్యాణ్
- అ ఆ
- లై
- చల్ మోహన రంగ
- శ్రీనివాస కళ్యాణం
- గద్దలకొండ గణేష్ (అతిధి పాత్ర)
- భీష్మ
- చెక్
- రంగ్ దె
- మాస్ట్రో
- మాచెర్ల నియోజకవర్గం
- ఎక్స్ట్రా ఆర్డినరీ మెన్
- రాబిన్ హుడ్