నందమూరి బాలకృష్ణ నటించిన బాలగోపాలుడు చిత్రంతో బాలనటుడిగా పరిచయమయ్యారు నందమూరి కళ్యాణ్ రామ్. 2003 సంవత్సరంలో ఉషాకిరణ్ మూవీస్ బ్యానర్ మీద రామోజీ రావు నిర్మాతగా కాశి విశ్వనాథ్ దర్శకుడిగా తొలిచూపులోనే చిత్రంతో కధానాయకుడిగా పరిచయం అయ్యారు నందమూరి కళ్యాణ్ రామ్. ఈ చిత్రం బాక్సాఫీస్ వద్ద అపజయం సాధించింది. ఆ తరువాత వచ్చిన రెండవ చిత్రం అభిమన్యు కూడా ప్రేక్షకులని మెప్పించలేకపోయింది.
సొంత బ్యానర్
తాత నందమూరి తారకరామారావు పేరు మీద ఎన్. టి. ఆర్ట్స్ బ్యానర్ స్థాపించి సొంతంగా నిర్మించి, నటించడం మొదలుపెట్టారు. తన మొడ్డవా చిత్రమైన అతనొక్కడే చిత్రాన్ని నిర్మిస్తూ నటించారు. ఈ చిత్రానికి దర్శకుడు సురేందర్ రెడ్డి, అంతేకాకుండా దర్శకుడిగా తనకి మొదటి చిత్రం ఇదే కావడం విశేషం. కథానాయకిగా సింధు తులాని ఈ చిత్రంలో నటించారు మరియు ఈ చిత్రానికి సంగీతం ప్రముఖ మెలోడీ బ్రహ్మ మణిశర్మ. ఈ చిత్రంతో మొదటి విజయం అందుకున్నా కూడా ఆ తరువాత మళ్ళీ వరుస పరాజయాలు పలకరించాయి.
హరే రామ్ చిత్రంలో మొదటిసారి ద్విపాత్రాభినయం చేశారు కళ్యాణ్ రామ్, అందులో ఒక పాత్ర విభిన్నంగా ఉండటంతో ఆ పాత్రకి తన నటనకి మంచి పేరు లభించింది. పటాస్ లాంటి కమర్షియల్ చిత్రం, బింబిసారా లాంటి సోషియో ఫాంటసీ చిత్రాలతో విజయాలు అందుకున్నరు నందమూరి కళ్యాణ్ రామ్. వరుస చిత్రాలతో జయాపజయాలతో సంబంధం లేకుండా ముందుకు దూసుకెళ్తున్నారు నందమూరి కళ్యాణ్ రామ్.
నిర్మాతగా తన సొంత చిత్రాలే కాకుండా వేరే చిత్రాలు కూడా నిర్మించారు నందమూరి కళ్యాణ్ రామ్. సురేందర్ రెడ్డి దర్శకత్వంలో “మాస్ మహారాజ” రవితేజ కధానాయకుడిగా కిక్ 2 చిత్రాన్ని నిర్మించి చేతులు కాల్చుకున్నారు. తన సోదరుడు జూ. ఎన్.టి. ఆర్ తో జై లవ కుశ, దేవర పార్ట్ 1 చిత్రాలు నిర్మించారు మరియు ఆ చిత్రాలు ఘన విజయం సాధించాయి. అమిగోస్ అనే చిత్రంలో మూడు పత్రాలు వేసి నందమూరి అభిమానులని అలరించారు నందమూరి కళ్యాణ్ రామ్.
ఎన్.టి.ఆర్ బయోపిక్
కధానాయకుడు మరియు మహానాయకుడు పేరుతొ ప్రముఖ సినీ నటుడు బాలకృష్ణ తన తండ్రి నందమూరి తారకరామారావు మీద బయోపిక్ రూపొందించారు, మరియు ఈ చిత్రంలో నందమూరి కళ్యాణ్ రామ్ తన తండ్రి హరి కృష్ణ పాత్రలో నటించి అందరిని మెప్పించారు.
నందమూరి కళ్యాణ్ రామ్ నటించిన చిత్రాల గురించి తెలుసుకుందాం.
బాలనటుడిగా:
- బాలగోపాలుడు
కధానాయకుడిగా:
- తొలిచూపులోనే
- అభిమన్యు
- అతనొక్కడే
- అసాధ్యుడు
- లక్ష్మి కళ్యాణం
- విజయదశమి
- హరే రామ్
- జయీభవ
- కళ్యాణ్ రామ్ కత్తి
- ఓం 3d
- పటాస్
- షేర్
- ఇజం
- ఎం.ఎల్.ఏ
- నా నువ్వే
- ఎన్.టి.ఆర్ కధానాయకుడు
- ఎన్.టి.ఆర్ మహానాయకుడు
- 118
- ఎంతమంచివాడవుర
- బింబిసార
- అమిగోస్
- డెవిల్