క్రికెట్ పుట్టింది ఇంగ్లాండ్ దేశంలో కానీ భారతీయ అభిమానులే ఎక్కువ ఇష్టపడతారు అంతేకాకుండా క్రికెట్ ఆటని ఒక క్రీడలా కాకుండా మతం లాగా మరియు క్రికెట్ ఆటగాళ్ళని దైవాలులాగా అభిమానించే అభిమానులు మన దేశంలో ప్రతి నగరాల్లో, వీధుల్లోనూ కనిపిస్తారు. టీవిలో ప్రసారమయ్యే ప్రతీ మ్యాచ్ చూస్తూ ఆనందిస్తారు భారత ప్రేక్షకులు.
అలంటి క్రికెట్ అభిమానులున్న మన భారత దేశంలో ఒక కొత్త తరహా లీగ్ ప్రారంభమైతే అభిమానుల ఆనందానికి హద్దులుండవు. మరి ఆ లీగ్ ఏంటి, ఎలా ప్రారంభమైంది, ఎప్పుడు ప్రారంభమైంది, అసలు ఎందుకు ప్రారంభించారు అనేది ఇప్పుడు తెలుసుకుందాం.
ఐ. పి. ఎల్
ఐ. పి. ఎల్ అనగా “ఇండియన్ ప్రీమియర్ లీగ్” ఈ క్రికెట్ లీగ్ మన భారత క్రీడా లోకంలో మొదలయ్యి ఈ ఏడాదికి (2024 సంవత్సరం వరకు) 17 సంవత్సరాలు అయ్యింది. ఈ 17 సంవత్సరాలలో ఎన్నో మార్పులు, చేర్పులు, వివాదాలు ఇంకా ఎన్నో విషయాలు జరిగాయి కానీ అన్నింటిని దాటుకుంటూ, ఎదురుకుంటూ అభిమానుల మనస్సులో మరొక్కసారి దూసుకెళ్లడానికి ఈ క్రికెట్ లీగ్ మరో కొత్త సీజన్ మనముందుకు రావడానికి సిద్ధమైంది.
మరి ఎప్పటికప్పుడు ప్రేక్షకులను వినోదాన్ని పంచిపెడుతున్న ఇండియన్ ప్రీమియర్ లీగ్ అభిమానులని ఉర్రుతలూగిస్తుంది. మరి ఇంతలా ప్రజాదరణ పొందిన ఐ. పీ. ఎల్ మొదలవడానికి కారణం ఏంటి? అసలు ఈ లీగ్ మొదలుపెట్టాలి అని ఎందుకనుకున్నారు? ఈ లీగ్ వెనుక ఉన్నది ఎవరు? ఈ విషయాలన్నీఇప్పుడు తెలుసుకుందాం.
క్రికెట్ అనగానే అందరికి గుర్తొచ్చేది మొదట సంప్రాదయకమైన టెస్ట్ మ్యాచ్ ఇది ఐదు రోజులు ఉంటుంది, ఆ ఐదు రోజులు ఇరు జట్లు రెండేసి ఇన్నింగ్స్ ఆడతారు ఈ విషయం అందరికి తెలిసిందే. ఒక వేళ ఫలితం రాకపోతే మ్యాచ్ డ్రా గా ముగిసినట్టు ప్రకటిస్తారు.
అలాగే టెస్ట్ మ్యాచ్ మొదలయిన చాలా ఏళ్ళ తరువాత వన్డే క్రికెట్ ఫార్మటు తీసుకొచ్చారు, అది ఒక్క రోజులో ఫలితం తేలిపోయే ఆట మరియు ఇరు జట్లు 50-50 ఓవర్లు ఆడతారు. ఈ ఫార్మాట్లో ఖచ్చితంగా ఫలితం వస్తుందనేది అందరికి తెలుసు. ఈ రెండు ఫార్మాట్లు కాకుండా అంతర్జాతీయ క్రికెట్ కౌన్సిల్ మరో కొత్త ఫార్మటుతో అలరించాడనికి అభిమానుల ముందుకొచ్చింది, అదే 20-20 క్రికెట్ దీన్నే పొట్టి క్రికెట్ ఫార్మటు అని కూడా పిలుస్తారు మన తెలుగు భాషలో.
పొట్టి క్రికెట్ ఫార్మటు
20-20 క్రికెట్ అంటే రెండు క్రికెట్ జట్లు 20-20 ఓవర్లు ఆడేలా ఒక కొత్త ఫార్మటు తీసుకొచ్చింది ఇంగ్లాండ్ క్రికెట్ బోర్డు. ముందుగా వారి దేశంలో ఉన్న క్రికెట్ క్లబ్లలో అలాగే కౌంటీ క్రికెట్లో కొన్ని మ్యాచ్లు ఆడించటం జరిగింది. ఆ తరువాత ఈ ఫార్మాటుని అంతర్జాతీయ క్రికెట్ కౌన్సిల్ ఆమోదించడంతో మరి కొన్ని దేశాలలో ఇలాంటి ఫార్మాటుతో మ్యాచ్లు ఆడించడం మొదలుపెట్టారు.
మెల్లగా 20 – 20 క్రికెట్ ప్రేక్షకులను అలరిస్తుండటంతో కొత్త ఆలోచనతో ముందుకొచ్చారు అంతర్జాతీయ క్రికెట్ కౌన్సిల్ సభ్యులు, అదే 20-20 క్రికెట్ ప్రపంచకప్. ఈ ఫార్మాటులో అన్ని దేశాలతో కలిసి 20 – 20 ప్రపంచకప్ మొదలుపెట్టాలని నిర్ణయించుకుంది అంతర్జాతీయ క్రికెట్ కౌన్సిల్. అనుకున్న విధంగా అన్ని క్రికెట్ బోర్డులతో చర్చించి ఈ నిర్ణయం తీసుకోవడం, దానికి మిగిలిన క్రికెట్ బోర్డులు ఆమోదం తెలపడం చకచకా జరిగిపోయాయి.
అనుకున్న విధంగా మొట్టమొదటి 20 – 20 క్రికెట్ ప్రపంచకప్ దక్షిణాఫ్రికాలో ఘనంగా ప్రారంభించారు. అలా జరిగిన మొదటి 20-20 క్రికెట్ ప్రపంచకప్ లో భారత్ మరియు పాకిస్తాన్ జట్లు ఫైనల్ కి రావడం, ఫైనల్లో పాకిస్తాన్ జట్టు మీద భారత్ గెలిచి సంబరాలు చేసుకోవడం అందరికి తెలిసందే. ఈ 20-20 ప్రపంచకప్ జరిగిన కొద్దిరోజులకే ఒక కొత్త క్రికెట్ లీగ్ తెరపైకి వచ్చింది అదే “ఇండియన్ క్రికెట్ లీగ్”.
భారత దేశంలో క్రికెట్ ఆడే ప్రతి కుర్రాడి కల ఎలాగైనా క్రికెట్ నేర్చుకుని జాతీయ జట్టులో చోటు సంపాదించి భారత్ తరపున ఆడాలి అని కానీ రోజు రోజుకి ఈ క్రికెట్ ప్రపంచంలో పోటీ ఎక్కువ అవ్వడంవల్ల కొంతమందికి అవకాశాలు వస్తున్నాయ్ కొంతమందికి అవకాశాలు రావట్లేదు. అలా కొంతమందిలో ఎంత ప్రతిభ ఉన్న నిరాశతో రంజీ ట్రోఫీ క్రికెట్ వరకే పరిమితం అవుతున్నారు, మరి అలాంటి ప్రతిభ ఉన్న ఆటగాళ్ల కోసమే ఈ “ఐ. సి. ఎల్” టోర్నమెంట్ తెరమీదకి తీసుకొచ్చింది “జీ మీడియా” సంస్థ.
ఇండియన్ క్రికెట్ లీగ్ అంటే ఏంటి
ఇప్పటి తరం వారందరికీ ఇండియన్ ప్రీమియర్ లీగ్ గురించి తెలుసు, మరి ఈ ఇండియన్ క్రికెట్ లీగ్ అంటే ఏంటి, ఇది ఎప్పుడు మొదలుపెట్టారు, ఈ లీగ్ వెనుక ఎవరున్నారు అనేది కొంతమందికి తెలుసు, కొంతమందికి తెలీదు, మరి తెలియని వాళ్ళకోసమే ఈ క్రికెట్ లీగ్ గురించి కొన్ని విషయాలు ఇప్పుడు మనం తెలుసుకుందాం.
“జీ మీడియా” సంస్థ వారు ఒక కొత్త ఆలోచనతో క్రికెట్ ప్రపంచంలోకి అడుగుపెట్టారు అదే “ఇండియన్ క్రికెట్ లీగ్”. భారత క్రికెట్ బోర్డు మరియు అంతర్జాతీయ క్రికెట్ కౌన్సిల్ కి వ్యతిరేకంగా ఈ లీగ్ ని ప్రారంభించారు. దీనినే “రెబెల్ లీగ్” అని కూడా అనడం విశేషం. ఈ ఇండియన్ క్రికెట్ లీగ్ టౌర్నమెంట్లో మొత్తం ఆరు ప్రధాన నగరాలైన ముంబై, ఢిల్లీ, చెన్నై, చంఢీగర్, హైదరాబాద్, కోల్కత్త జట్లు ఈ లీగ్ లో పాల్గొన్నాయి.
భారత జాతీయ జట్టులో చోటు దొరకని ఆటగాళ్లు ఈ లీగ్ లో ఆడటం విశేషం అంతేకాకుండా కొంతమంది విదేశీ ఆటగాళ్లు కూడా ఈ లీగ్ లో ఆడటం జరిగింది. అనూహ్యంగా ఈ లీగ్ కి భారత మాజీ క్రికెట్ ఆటగాడు కపిల్ దేవ్ మద్దతు పలకడంతో పాటు మరి కొంతమంది భారత మాజీ ఆటగాళ్లు కూడా మద్దతు పలకడం విశేషం. అలా కొంతమంది స్వదేశీ, విదేశీ ఆటగాళ్ళని కలిపి ఈ కొత్త తరహా లీగ్ ఘనంగా ప్రారంభించారు.
లీగ్ ప్రారంభం
ఈ లీగ్ ప్రారంభించిన మొదటి సీజన్ ఒక సంచలనం అని చెప్పొచ్చు. ముందుగా 6 జట్లతో ఈ లీగ్ ప్రారంభించారు, ఆ జట్లు చంఢీగర్హ్, చెన్నై, ఢిల్లీ, హైదరాబాద్, కోల్కత్త, ముంబై నగరాలతో ఈ లీగ్ ప్రారంభమైంది. ప్రతి జట్టుకి ఒక విభిన్నమమైన పేరుతొ జట్టుగా మార్చడం జరిగింది. ఆ పేర్లు చంఢీగర్హ్ లయన్స్, చెన్నై సూపర్ స్టార్స్, ఢిల్లీ జెయింట్స్, హైదరాబాద్ హీరోస్, కోల్కత్త టైగెర్స్ మరియు ముంబై చాంప్స్ పేర్లతో జట్లు ఏర్పడ్డాయి.
మొదటి సీజన్ లో చెన్నై సూపర్ స్టార్స్ మరియు చంఢీగర్హ్ లయన్స్ మధ్య ఫైనల్ జరిగింది అందులో చెన్నై జట్టు గెలవడం విశేషం. ఒక విజయవంతమైన సీజన్ ముగిసిన వెంటనే మరో కొత్త సీజన్ మొదలుపెట్టారు ఐ.సి.ఎల్ నిర్వాహకులు. ఈ సీజన్ నుంచి మరో రెండు కొత్త జట్లు ఈ లీగ్ లో భాగం అవ్వడం జరిగింది, అదే అహ్మదాబాద్ నగరం నుంచి అహ్మదాబాద్ రాకెట్స్ పేరుతొ ఒక జట్టు మరియు పాకిస్తాన్ దేశం నుంచి లాహోర్ బాద్షాస్ పేరుతో ఒక జట్టు.
రెండవ సీజన్ మరింత ఉత్సాహంతో ప్రారంభించారు ఐ.సి.ఎల్ నిర్వాహకులు. ఈసారి అన్ని మ్యాచ్లు దాటుకుంటూ ఫైనల్ వరకు హైదరాబాద్ హీరోస్ మరియు లాహోర్ బాద్షాస్ రావడం జరిగింది మరియు ఫైనల్ మ్యాచ్లో లాహోర్ బాద్షాస్ జట్టు విజయాన్ని సాధించింది. రెండో సీజన్ కూడా విజయవంతం అవ్వడంతో ఈ సారి మరో జట్టు ఈ లీగ్ లో భాగం అయ్యింది అదే బాంగ్లాదేశ్ దేశం నుంచి ఢాకా వారియర్స్ పేరుతొ జట్టు సిద్ధమైంది.
ఈ సారి లీగ్ హోరా హోరీగా సాగడంతో ఫైనల్ మ్యాచ్లో హైదరాబాద్ హీరోస్ మరియు లాహోర్ బాద్షాస్ ఆడగా మ్యాచ్ టై గా ముగిసింది అంటే రెండు జట్ల స్కోర్ సమానం కావడంతో ఫలితం తేలలేదు. ఆ తరువాత బెస్ట్ అఫ్ 3 ఫైనల్ ఏర్పాటు చేయడం ఆ తరువాత మూడో సీజన్లో హైదరాబాద్ హీరోస్ జట్టు విజేతగా నిలవడం జరిగింది.
ఒక వైపు ఈ ఇండియన్ క్రికెట్ లీగ్ ప్రేక్షకుల ఆదరణ పొందడం చూసి కొంతమంది దేశి, విదేశీ ఆటగాళ్లు తమ జాతీయ క్రికెట్ బోర్డుకు రాజీనామా చేసి ఈ లీగ్ లో పాల్గొనడం జరిగింది, ఇది చూసి అంతర్జాతీయ క్రికెట్ కౌన్సిల్, భారత క్రికెట్ బోర్డు మరియు మిగితా విదేశీ క్రికెట్ బోర్డులు ఎంత వారించినా కూడా వారి మాట లెక్క చేయకుండా ఆటగాళ్లు ఈ లీగ్ లో ఆడేందుకు ముందుకొచ్చారు.
దిగజ్జ ఆటగాళ్ళైనా బ్రియాన్ లారా, మార్వాన్ ఆటపట్టు, ఇంజమామ్-ఉల్-హాక్ ఇంకా కొంతమంది ఆటగాళ్లు ఈ లీగ్ లో ఆడటం జరిగింది. కేవలం ఈ లీగ్ కోసం “జీ మీడియా” సంస్థ వారు ఒక కొత్త స్పోర్ట్స్ ఛానల్ మొదలుపెట్టారు దానిపేరు “జీ స్పోర్ట్స్”.
కొత్త సీజన్ కొత్త మార్పులు
దిగ్విజయంగా మూడు సీజన్ లు ముగించాక నాలుగో సీజన్ కోసం ఇండియన్ క్రికెట్ లీగ్ ముస్తాబయింది. ఈ సారి వన్డే ఫార్మటులో ఈ లీగ్ మొదలు పెట్టాలని నిర్ణయం తీసుకున్నారు. తొమ్మిది నగరాలుగా ఉన్న జట్లని 4 జట్లుగా విభజించారు అది కూడా దేశి జట్లుగా మార్చడం విశేషం.
ఐ. సి. ఎల్ భారత్ పేరుతొ ఒక జట్టు, ఐ. సి. ఎల్ పాకిస్తాన్ పేరుతొ ఒక జట్టు, ఐ.సి.ఎల్ బాంగ్లాదేశ్ పేరుతొ ఒక జట్టు మరియు ఐ.సి.ఎల్ వరల్డ్ XI పేరుతొ ఒక జట్టుతో మరో కొత్త సీజన్ మొదలుపెట్టారు ఇండియన్ క్రికెట్ లీగ్ నిర్బహకులు. భారత్, పాకిస్తాన్, బాంగ్లాదేశ్ జట్టులో ఆ దేశ ఆటగాళ్లు ఉండగా వరల్డ్ XI జట్టులో మాత్రం మిగితా విదేశీ క్రీడాకారులు ఉండటం విశేషం. ఆస్ట్రేలియా, న్యూజిలాండ్, శ్రీలంక దేశస్థులు ఈ జట్టులో పాల్గొన్నారు.
విజయవంతంగా సాగుతున్న ఈ లీగ్ ని ఎలాగైనా ఆపాలి అనే ఉద్దేశంతో భారత క్రికెట్ బోర్డు ఒక సంచలన ప్రకటన తీసుకొచ్చింది. ఆ ప్రకటనలో ఉన్న సమాచారం ఏంటంటే ఎవరైతే ఈ లీగ్ లో పాల్గొంటారో ఆ క్రీడాకారులని అంతర్జాతీయ క్రికెట్ ఆడకుండా నిషేధం విధిస్తున్నట్టు పేర్కొంది. ఇదే బాటలో మిగితా క్రికెట్ బోర్డులు కూడా తమ ఆటగాళ్ళని నిషేధం ప్రకటించడం వల్ల నాల్గవ సీజన్ మధ్యలో ఆపేయడం జరిగింది.
ఈ ప్రకటనతో ఉలిక్కిపడ్డ ఆటగాళ్లు ఐ. సి. ఎల్ వీడడం జరిగింది. అంబటి రాయుడు, స్టువర్ట్ బిన్నీ, రోహన్ గవాస్కర్ (సునీల్ గవాస్కర్ తనయుడు) లాంటి ఆటగాళ్లు కూడా ఈ లీగ్ లో పాల్గొనడం జరిగింది. తెలుగు సినీ నటులు మంచు విష్ణు వర్ధన్ బాబు హైదరాబాద్ జట్టుకి సహా యజమానిగా ఉండటం విశేషం.
ఐ. పి. ఎల్ ప్రారంభం
ఇండియన్ క్రికెట్ లీగ్ విజయాన్ని చూసిన బి. సి. సి. ఐ ఎలాగైనా ఇలాంటి లీగ్ ఒకటి అధికారికంగా ప్రారంభించాలని దేశ నలుమూలల్లో ఉంటున్న ఆటగాళ్లకు అవకాశం ఇచ్చి ప్రోత్సహించాలని నిర్ణయం తీసుకుంది. అప్పుడే లలిత్ మోడీ అనే వ్యాపారవేత్త మరియు క్రికెట్ అడ్మినిస్ట్రేటర్ ఒక ప్రతిపాదనతో ఒక కొత్త ఆలోచనతో భారత క్రికెట్ బోర్డు పెద్దలని కలిసి తన ఆలోచనని చెప్పడం జరిగింది, మరి ఆ ఆలోచనే ఇండియన్ ప్రీమియర్ లీగ్.
భారత దేశంలోని ముఖ్యమైన నగరాలని జట్లుగా మార్చి ఆటగాళ్ళని వేలంలో కొనేలాగా ఒక ప్రతిపాదన తీసుకొచ్చారు లలిత్ మోదీ. భారత దేశంలో ఉన్న బడా వ్యాపారవేత్తలని ఈ లీగ్లో భాగమయ్యేలా చేశారు లలిత్ మోదీ. అనుకున్న విధంగా ముందుగా నగరాల్ని వేలంపాట వేసి ఆ తరువాత ఆటగాళ్ళని వేలంపాటలో కొనుగోలు చేయడం జరిగింది.
ఎలాంటి అంచనాలు లేకుండా 2008 సంవత్సరంలో ఈ లీగ్ ఘనంగా ప్రారంభమైంది. టోర్నమెంట్ చివరకి వచ్చేసరికి ఒక్కసారి క్రికెట్ ప్రపంచం మాత్రమే కాకుండా మిగితా క్రీడా లోకం ఈ లీగ్ వైపు ఆశ్చర్యంగా చూడడం జరిగింది. ఈ ఐ. పీ. ఎల్ టోర్నమెంట్ దేశ విదేశాలలో ఉన్న క్రికెట్ అభిమానులను ఎంతగానో అలరిస్తూ, ఉత్సాహపరుస్తూ దిగ్విజయంగా ముందుకు సాగుతుంది. అలాగే ఎంతోమంది కొత్త క్రీడాకారులని క్రికెట్ ప్రపంచానికి పరిచయం చేసింది ఇండియన్ ప్రీమియర్ లీగ్ టోర్నమెంట్.
ఈ ఇండియన్ ప్రీమియర్ లీగ్ గురించి మరిన్ని విషయాలు తెలుసుకోవాలంటే ఇక్కడ క్లిక్ చేయండి: https://antarjalamlokaburlu.in/journey-of-ipl-and-other-leagues/